थोडक्यात

• फलटण महिला डॉक्टर आत्महत्या प्रकरण

• प्रकरणातील PSI बदने पोलिसांसमोर स्वत:हून हजर

• PSI बदने फलटण ग्रामीण पोलिसांसमोर हजर

• पोलिसांसमोर हजर झाल्याव बदनेला मेडिकलला नेलं

गुरुवारी 23 ऑक्टोबरला साताऱ्यातील फलटण उपजिल्हा रुग्णालयातील महिला डॉक्टरने आत्महत्या केल्याचा प्रकार उघडकीस झाला आहे. डॉ. संपदा मुंडे असं त्या महिला डॉक्टरच नाव असून काही महिन्यांपासून त्या पोलीस आणि आरोग्य विभागातील वादात अडकल्या होत्या. ”माझ्यावर अन्याय होत आहे, मी आत्महत्या करीन” अशी त्यांनी वरिष्ठांकडे तक्रार देखील केली होती. फलटण तालुक्यातील महिला डॉक्टरच्या आत्महत्येच्या घटनेने संपूर्ण सातारा जिल्हा हादरला आहे.

शनिवारी 25 ऑक्टोबर 8 तासांनंतर वडवणी तालुक्यातील कवडगाव बुद्रुक गावात रात्री उशिरा डॉक्टर संपदा मुंडेवर अंत्यसंस्कार करण्यात आले. दरम्यान सातारा डॉक्टर आत्महत्या प्रकरणातील मुख्य आरोपी प्रशांत बनकर आणि गोपाळ बदने हे फरार होते. तर प्रशांत बनकरला शनिवारी 25 ऑक्टोबर म्हणजेच काल पहाटे 4 वाजता अटक करण्यात आली असून प्रशांत बनकर हा मित्राच्या फार्महाऊस लपला होता.

त्याला पोलिसांनी बेड्या ठोकल्या आहेत. त्याच्यावर शारीरिक आणि मानसिक छळाचे आरोप करण्यात आले आहेत. तर नुकतीच एक मोठी अपडेट समोर आली आहे. या प्रकरणी आणखी एक मुख्य आरोपी गोपाळ बदने अखेर पोलिसांना शरण आला आहे. साताऱ्याच्या महिला डॉक्टर आत्महत्या प्रकरणानंतर आरोपी गोपाळ बदने दोन दिवसांपासून फरार होता.

तो शनिवारी मध्यरात्री साडे बारा ते दीड वाजताच्या सुमारास स्वतःहून पोलिसांसमोर सरेंडर झाला आहे. गोपाल बदनेवर अत्याचार केल्याचा थेट आरोप करण्यात आला होता. सरेंडर होण्यापुर्वी आरोपी गोपाल बदनेचं शेवटचं लोकेशन पंढरपूर असल्याची माहिती मिळत असून पंढरपूरमधून देखील तो आता पसार झाला.

आज रविवार असल्यामुळे त्याला जिल्हा सत्र न्यायालयात हजर करणार का, याबाबत मात्र अद्याप अधिकृत माहिती मिळालेली नाही. मात्र सध्या गोपाल बदने हा फलटण पोलिसांच्या कस्टडीत असून आज दिवसभर त्याची चौकशी सुरू राहणार आहे. सातारा डॉक्टर आत्महत्या प्रकरणी दोन्ही संशयीत आरोपी आता पोलिसांच्या स्वाधीन झाले असून या प्रकरणाला टर्निंग पॉईंट आला आहे.