नवी मुंबई शहरामध्ये शिवसेना उद्धव बाळासाहेब ठाकरे गटाच्या पदाधिकाऱ्यांनी शिवसेनेची साथ सोडली आहे. मुख्यमंत्री एकनाथ शिंदे यांच्या बाळासाहेबांची शिवसेना या पक्षाला साथ देत प्रवेश केला आहे. त्यामुळे आगामी लोकसभा निवडणुकीत ठाकरे गटाला विशेषता विद्यमान ठाणे लोकसभा मतदारसंघाचे खासदार राजन विचारे यांना मोठा झटका बसला आहे.

ठाकरे गटाच्या पदाधिकाऱ्यांबरोबरच वंचित आघाडीने देखील शिंदे गटाला साथ दिली आहे. त्यामुळे लोकसभा निवडणुकीच्या पूर्वीच नवी मुंबई शहरात शिंदे गटाने आपली पायाभरणी सुरू केल्याचे चर्चा रंगली आहे.

शिवसेना ठाकरे गटाचे शहर प्रमुख विजयानंद माने, उपजिल्हाप्रमुख दिलीप घोडेकर, उपजिल्हाप्रमुख मिलिंद सूर्यराव, माजी नगरसेवक मनोहर जोशी, नेरूळच्या इतर पदाधिकाऱ्यांनी शिंदे गटाच्या शिवसेनेत नरेश म्हस्के यांच्या उपस्थित प्रवेश केला आहे.