सोनाली कुलकर्णी-कुणाल बेनोडेकर यांच्या लंडनमधील विवाहसोहळ्याचे खास फोटो

अभिनेत्री सोनाली कुलकर्णीने तिच्या अभिनयाने आणि ग्लॅमरस अंदाजाने प्रेक्षकांची मनं जिंकली आहेत. सोनालीने तिचा लग्नसोहळा कोरोनाच्या काळात उरकून घेतला होता.

त्यामुळे तिच्या चाहत्यांना तिचा लग्न सोहळ्यातील क्षण पाहता आले नव्हते. तिचे चाहते नाराज झाले होते. मात्र आता तिच्या चाहत्यांना घरबसल्या सोनालीच्या लग्न सोहळ्यातील खास क्षण अनुभवता येणार आहेत.

सोनालीने पुन्हा एकदा लग्न केलं आहे. सोनाली कुलकर्णी आणि कुणाल बेनोडेकर यांनी पुन्हा एकदा लग्न केले आहे. सोनालीने हे लग्न लंडनमध्ये केलं.

या सोहळ्याचे फोटो आणि व्हिडीओ मात्र सोशल मीडियावर दिसले नाहीत. मात्र आता ते आपल्याला ओटीटी प्लॅटफॉर्मवर बघायला मिळणार आहेत.

असे पहिल्यांदाच होणार आहे की, एखाद्या अभिनेत्रीच्या लग्नाचा व्हिडीओ चक्क ओटीटी प्लॅटफॉर्मवर प्रदर्शित होणार आहे.

येत्या ११ ऑगस्टला हा सोहळा प्लॅनेट मराठीवर काही भागांमध्ये आपल्याला पहिला मिळणार आहे. याचा ट्रेलर प्रदर्शित करण्यात आला आहे.

या पार्श्वभूमीवर सोनाली म्हणाली की, सोनाली म्हणाली, “लग्न या गोष्टीबद्दल मला पहिल्यापासून आकर्षण होतं. अनेक अडचणी, पँडेमिक आले तरी मला चार वेगवेगळ्या पद्धतीने लग्न करायचं होतं. या सगळ्या गोष्टींवर मात करुन अखेर माझं हे स्वप्न पूर्ण होतंय.”

लंडनमध्ये कुटुंबिय आणि मित्रमैत्रिणींच्या उपस्थितीत सोनाली-कुणालचा विवाह सोहळा पार पडला.

यामध्ये सोनाली आणि कुणाल यांचा लंडनमध्ये पार पडलेला संपूर्ण विवाहसोहळा, वऱ्हाडींची धुमधाम, लग्नातील विधी हे सर्व पाहाता येणार आहे.