अभिनेते प्रकाश राज यांना ईडीने बजावले समन्स; नेमकं प्रकरण काय?

बॉलिवूड अभिनेता प्रकाश राज यांच्या अडचणी वाढण्याची शक्यता आहे. प्रणव ज्वेलर्स मनी लॉन्ड्रिंग प्रकरणी ईडीने प्रकाश राज यांना समन्स बजावले आहे. अंमलबजावणी संचालनालयाने (ईडी) त्रिची येथील भागीदारी फर्म प्रणव ज्वेलर्स विरुद्ध मनी लाँड्रिंग चौकशीच्या संदर्भात अभिनेता त्यांना समन्स बजावले आहे.

त्रिचीस्थित प्रणव ज्वेलर्सने उच्च परतावा देण्याचे आश्वासन देऊन सोने गुंतवणूक योजनेच्या नावाखाली जनतेकडून १०० कोटी रुपये गोळा केल्याचा आरोप आहे. कथित पॉन्झी स्कीम चालवल्याच्या आरोपावरून ईडीने सोमवारी या कंपनीवर छापा टाकला होता. सोमवारी छाप्यादरम्यान एजन्सीला अनेक कागदपत्रे सापडली, 23.70 लाख रुपयांची रोकड, 11.60 किलो वजनाचे सराफा/सोन्याचे दागिने जप्त करण्यात आले. अधिकाऱ्यांनी सांगितले की, प्रकाश राज हा प्रणव ज्वेलर्सचा ब्रँड अ‍ॅम्बेसेडर होते आणि या प्रकरणात त्याची चौकशी सुरू आहे.