Candy Shop Song: अश्लील स्टेपमुळे नेहा कक्कर चर्चेत; “कँडी शॉप” गाण्यावर नेटकरीांनी व्यक्त केली तीव्र नाराजी
बॉलिवूडची लोकप्रिय गायिका नेहा कक्करचा नवीन गाणे 'लॉलीपॉप... कँडी शॉप' रिलीज झाल्यावरच वादळात सापडले आहे. गाण्यातील नेहाच्या एका डान्स स्टेपला नेटकऱ्यांनी अश्लील ठरवले असून, देशाची संस्कृती बिघडवत असल्याचा आरोप करत सोशल मीडियावर प्रचंड टीका सुरू झाली आहे. काहींनी तिच्या स्टाईलला कोरियन कलाकारांची नक्कल म्हटले, तर काहींनी तिच्या गाण्यांना घृणास्पद आणि निर्लज्ज संबोधले आहे. नेहा आणि तिचा सहकारी टोनी काक्कर यांना ट्रोलिंगचा सामना करावा लागत आहे.
गाणे रिलीज झाल्यापासून ट्विटर, इन्स्टाग्रामसारख्या प्लॅटफॉर्मवर नेटकऱ्यांनी कमेंट्सचा वर्षाव केला आहे. एका युजरने लिहिले, "नेहा काय करण्याचा प्रयत्न करत आहे? ती भारतीय संस्कृतीला कोणत्या दिशेने नेली? तरुण तिच्याकडून काय शिकतील?" दुसऱ्याने म्हटले, "तिची गाणी आणि व्हिडिओ घृणास्पद, विचित्र आणि वाईट होत चालले आहेत." तर तिसऱ्याने विचारले, "नेहा कक्करने तरुण दिसण्यासाठी शस्त्रक्रिया केली का? आणि कोरियन बनावट का?" अशा कमेंट्समुळे गाण्याला प्रेक्षकांची पसंती मिळालेली दिसत नाही. काहींनी तर #BoycottNehaKakkar सारखे हॅशटॅग ट्रेंड करायला सुरुवात केली आहे.
नेहा कक्करच्या गाण्यांना नेहमीच प्रचंड लोकप्रियता मिळते, पण या वेळी डान्स स्टेप्समुळे वाद उफाळून आला आहे. नेटकऱ्यांचा असा युक्तिवाद आहे की, अशा प्रकारच्या कंटेंटमुळे तरुण पिढीवर वाईट परिणाम होतो. नेहा आणि टोनी अद्याप यावर अधिकृत प्रत्युत्तर दिलेले नाही, पण सोशल मीडियावरील ट्रोलिंगमुळे हा वाद आणखी तापला आहे. गाण्याच्या यूट्यूब व्ह्यूज वाढत असल्या तरी कमेंट सेक्शनमध्ये नकारात्मक प्रतिक्रिया बहुसंख्य आहेत. या वादामुळे बॉलिवूडमधील आइटम सॉंग्स आणि डान्स स्टाईल्सवर पुन्हा एकदा चर्चा सुरू झाली आहे. नेहा कक्करची ही नवीन वादग्रस्त एंट्री यशस्वी होईल का, हे पाहायचे आहे.
