Ranveer Singh: हमजापासुन बादशहापर्यंत, ‘धुरंधर २’सह रणवीर सिंगचं राज्य

रणवीर सिंगने धुरंधरमध्ये हमजाची भूमिका साकारून केवळ एक ब्लॉकबस्टर दिला नाही, तर एक नवा ट्रेंड एक संपूर्ण फिनॉमेनन उभा केला. धुरंधर पार्ट २ सह तो स्वतःला अशा नव्या बादशहाप्रमाणे प्रस्थापित करणार आहे, ज्याच्या राज्याला आव्हान देणं कोणालाही शक्य होणार नाही.

रणवीर सिंगने धुरंधरमध्ये हमजाची भूमिका स्वीकारली, तेव्हा ती फक्त मोठ्या चित्रपटाची सुरुवात नव्हती; ती एका सांस्कृतिक लाटेची नांदी होती. चित्रपट प्रदर्शित झाल्यानंतर जे घडलं, ते हिंदी सिनेमात क्वचितच पाहायला मिळतं. हमझा पडद्याबाहेर येऊन लोकांच्या आयुष्याचा आणि चर्चांचा अविभाज्य भाग बनला. “हमजा फिव्हर” हा केवळ चित्रपटा मर्यादित शब्द नव्हता; तो सोशल मीडियावर, रस्त्यांवर आणि रोजच्या संभाषणांत स्पष्टपणे दिसणारी वास्तवता आहे.

धुरंधर थिएटरमध्ये लागताच प्रेक्षक हमजा स्टाइल, जोश आणि दमदार व्यक्तिमत्त्वाचे चाहते झाले. रणवीरने फक्त एक गुप्तहेर साकारला नाही; तो लोकांच्या मनात तोच गुप्तहेर बनून राहिला. इंस्टाग्राम आणि शॉर्ट-व्हिडिओ प्लॅटफॉर्म्सवर हमजाची चाल, संवादफेक आणि अ‍ॅटिट्यूड हुबेहूब उतरवणारे व्हिडिओ मोठ्या प्रमाणात व्हायरल झाले. पाकिस्तानमध्ये अंडरकव्हर स्पाय असल्याचं सादरीकरण करत हम्झासारखं वागण्याचा ट्रेंड आपोआप सुरू झाला आणि झपाट्याने पसरला.

फारच कमी पात्रं अशी असतात, जी प्रेक्षकांना इतकं जोडून घेतात की ते स्वतः त्या पात्राला जगू लागतात. हमजा खास बनवणारी गोष्ट म्हणजे जनसामान्यांची पसंती आणि सखोल अभिनय यांचा झालेला परिपूर्ण संगम. रणवीरने आक्रमकता, भावना आणि स्टार पॉवर—हे तिन्ही घटक एकाच पात्रात प्रभावीपणे साकारले.त्यामुळे हमजा फक्त आवडला नाही, तर आदर्श ठरला. ताकद आणि स्टाइलचं प्रतीक बनत, आधुनिक हिंदी सिनेमातील अ‍ॅक्शन हिरोची नवी ओळख त्याने घडवली.

आता धुरंधर पार्ट २ येत असताना, ही कथा ट्रेंडपलीकडे जाऊन ‘वारसा’ घडवणारी ठरते. पार्ट १ ने रणवीरच्या विशेष मुक्कामाची घोषणा केली असेल, तर पार्ट २ त्याचं निर्विवाद राज्य पक्कं करणार आहे. प्रश्न आता तो जमवेल का याचा नाही; प्रश्न आहे—तो स्वतः घडवलेला विक्रम किती पुढे नेईल याचा.

आज रणवीर सिंग बॉक्स ऑफिसचा नवा बादशहा बनला आहे. सर्वाधिक कमाई करणारा चित्रपट देत त्याने कमर्शियल सिनेमाचा इतिहास बदलला आहे. धुरंधर २नंतर चर्चा केवळ विक्रमांपुरती मर्यादित राहणार नाही; कोणताही समकालीन स्टार त्याच्या उंचीपर्यंत पोहोचू शकेल का, हा प्रश्न केंद्रस्थानी येईल. ज्या क्षणी तुलना निरर्थक वाटू लागते, त्या क्षणी दबदबा पूर्णत्वाला पोहोचतो.

हमजाने ठिणगी पेटवली होती. धुरंधर २ ती ठिणगी स्फोटात बदलणार आहे. आणि रणवीर सिंगच्या शिरपेचावर मुकुट भक्कमपणे विराजमान असताना, भारतीय सिनेमा एका अजेय युगाच्या उदयाचा साक्षीदार ठरतो आहे. जे येणाऱ्या अनेक वर्षांसाठी या काळाची ओळख ठरेल.