South Movie : 2023 मध्ये रिलिज होणार 'हे' दाक्षिणात्य चित्रपट
बॉलिवूड चित्रपटांसाठी 2022 फारसे चांगले गेले नाही. 2022 मधील 3-4 मोजके चित्रपट सोडल्यास सर्व चित्रपट बॉक्स ऑफिसवर फ्लॉप झाले. अनेक चित्रपटांवर बहिष्कार टाकण्याची मागणी देखील करण्यात आली. दरम्यान, आता काही दिवसांत नवेर्ष सुरु होईल. 2023 मध्ये देखील बॉलिवूडमध्ये बरेच चित्रपट प्रदर्शित होणार आहेत. त्यामध्ये शाहरुखच्या ‘पठाण’ पासून ते सलमानच्या ‘टायगर 3’ पर्यंत अनेक चित्रपटांचा समावेश आहे.
आदिपुरूष :
दिग्दर्शक ओम राउत यांचा आदिपुरूष हा चित्रपट 2023 मध्ये रिलीज होणार आहे. यामध्ये दाक्षिणात्य सुपरस्टार प्रभास, क्रिती सेनन सैफ अली खान यांच्या प्रमुख भूमिका असणार आहे.
पुष्पा : द रूल
2021 मधील अल्लू अर्जुनचा ब्लॉकबस्टर चित्रपट पुष्पा : द राइजचा सिक्वेल पुष्पा : द रूल हा चित्रपट 2023 मध्ये रिलीज होणार आहे. हा चित्रपट 2022 मध्येच रिलीज होणार होता. तर केजीएफच्या प्रचंड यशानंतर दिग्दर्शकाने निर्मात्यांना फायटींग सीन्स वाढवण्याची मागणी केली आहे.
पीएस -2
दिग्दर्शक मणी रत्नम यांचा ड्रीम प्रोजेक्ट असलेल्या 'पोन्नियम सेल्वम' चा पहिला पार्ट 2022 मध्ये आला होता. त्यानंतर आता 'पोन्नियम सेल्वम' चा दुसरा पार्ट 2023 मध्ये येणार आहे. पहिल्या पार्टमध्ये ऐश्वर्या राय बच्चन, विक्रम, जयम रवी, त्रिशा, प्रकाश राज यांसारखे चेहरे दिसले होते.
केजीएफ : चाप्टर 3
दिग्दर्शक प्रशांत नील यांचा केजीएफच्या दोन चित्रपटांच्या यशानंतर आता केजीएफ : चाप्टर 3 हा चित्रपट सप्टेंबर 2023 मध्ये रिलीज होणार आहे. तर प्रेक्षक देखील यशच्या अॅक्शनची आतुरतेने वाट पाहत आहेत.
इंडियन 2
ज्येष्ठ अभिनेते कमल हसन आणि सुकन्या यांची प्रमुख भुमिका असणारा इंडियन 2 हा चित्रपट 2023 मध्ये प्रेक्षकांच्या भेटीला आले येणार आहे. या अगोदर दिग्दर्शक शंकर यांचा उलगनायगन हा चित्रपट जगभारात धुमाकुळ घालत आहे.