केसांना करा केमिकल फ्री कलर; जाणून घ्या 'ही' सोप्पी पद्धत

How to Color Hair : केस अकाली पांढरे होण्यास कारणीभूत घटकांमध्ये तणाव, धूम्रपान, अत्यावश्यक जीवनसत्त्वे आणि खनिजे नसलेला आहार, हार्मोनल असंतुलन आणि थायरॉईड किंवा स्वयंप्रतिकार रोग यासारख्या वैद्यकीय समस्यांचा समावेश आहे. अशा परिस्थितीत सर्वप्रथम तुम्हाला तुमची जीवनशैली सुधारण्याची गरज आहे. याशिवाय पांढऱ्या केसांपासून सुटका मिळवण्यासाठी तुम्ही येथे केमिकल फ्री हेअर डाईचाही वापर करू शकता. चला तर मग जाणून घेऊया ते बनवण्याची संपूर्ण प्रक्रिया.

केमिकल मुक्त केसांचा रंग कसा बनवायचा?

साहित्य

-1 चिरलेला बीटरूट

- 2 चमचे भिजवलेले मेथी दाणे

- 4 ते 5 लवंगा

- एक वाटी मेहंदी

- 2 चमचे कॉफी

कृती

आता हे सर्व साहित्य मिक्सर ग्राइंडरमध्ये घालून चांगले बारीक करून घ्या. यानंतर, ग्राइंडरमधून पेस्ट काढा आणि एका भांड्यात काढा. नंतर त्यात कॉफी पावडर आणि मेंहदी घाला आणि नंतर पाणी घाला. आता हे मिश्रण १५ मिनिटे झाकून ठेवा. यानंतर, संपूर्ण केसांवर हा हेअर डाई पूर्णपणे लावा आणि 2 तास केसांवर राहू द्या. यानंतर तुम्ही हेअर वॉश घ्या.