Kalyan Crime : कल्याणमधील मारहाण प्रकरणाला नवीन वळण; रिसेप्शन मुलीकडून गोकुळच्या वहिनीला मारहाण
कल्याण पूर्व एका खाजगी रुग्णालयातील रिसेप्शन मराठी तरुणीला मारहाण करणा परप्रांतीय आरोपी गोकुळ झा आणि त्याचा भाऊ रणजीत झा या दोघांना मनसे कार्यकर्त्यांनी पकडून मानपाडा पोलिसांच्या ताब्यात दिलं आहे. कल्याण पूर्वमधील पिसवली गावातील रहिवासी सोनाली प्रदीप कळासरे ही श्री बाल चिकित्सालय या खाजगी क्लिनिकमध्ये रिसेप्शनिस्ट म्हणून काम करते.
क्लिनिकमधील नियमांनुसार MR सह पेशंट क्लिनिकमध्ये असताना इतर कोणालाही डॉक्टरांच्या केबिनमध्ये प्रवेश करु शकत नाही. याच नियमांचे पालन करत ती तिचं काम करत होती. मात्र तिथे एक नशेत धुंद परप्रांतीय तरुण गोकुळ झ्या नामक थेट केबिनमध्ये घुसला, सोनालीने त्याला थांबवत 'तुम्ही जरा थांबा' असं म्हटल. त्या तरुणाने शिव्या देत धक्कादायकरीत्या पळत येऊन सोनालीच्या तोंडावर लाथ मारली आणि तिला मारहाण करण्यास सुरुवात केली.
या घटनेनंतर मनसे नेते अविनाश जाधव यांनी पीडित मुलीच्या घरी भेट घेतली. यानंतर आता या घटनेला आणखी एक वळण मिळालं आहे. यादरम्यान त्या मुलीचा एक व्हिडिओ समोर आला आहे. ज्यात त्या रिसेप्शन मुलीने गोकुळच्या वाहिनीला मारहाण केल्याच समोर येत आहे. त्यामुळे या घटनेत एक नवीन ट्वीस्ट आला आहे.
