अमिताभची भूमिका अन् अजय देवगण दिग्दर्शित ‘रनवे 34’ चा ट्रेलर रिलीज

सुपरस्टार अमिताभ बच्चन (Amitabh Bachchan) आणि अजय देवगण (Ajay Devgan) यांचा 'रनवे 34' (Runway 34) हा चित्रपट सध्या खूप चर्चेत आहे. आपल्या उत्कृष्ट अभिनयासाठी प्रसिद्ध असलेला अजय देवगण 'रनवे 34' मधील अभिनेता, दिग्दर्शक आणि निर्माता या तिन्ही अवतारांमध्ये तुम्हाला मनोरंजन करण्यासाठी सज्ज आहे. अजय देवगणचा हा चित्रपट या ईदला Eid रिलीज होतोय.

रनवे 34 ही सत्य घटनेवर आधारित कथा आहे. 'रनवे 34′ प्रामुख्याने कॅप्टन विक्रांतवर (Captain Vikrant) आधारित आहे. या चित्रपटात विक्रांत खन्नाची (Vikrant Khanna) भूमिका अजय देवगणने साकारली आहे, जो पायलटची (pilot) भूमिका साकारत आहे. चित्रपटात अजय देवगणचे विमान आंतरराष्ट्रीय विमानतळावरून टेक ऑफ (Take off) केल्यानंतर खराब हवामानात वादळात अडकते.

आकाशात खराब हवामानात अडकलेल्या फ्लाइटमध्ये अजय देवगणसोबत अमिताभ बच्चनही आहेत. ट्रेलरमध्ये trailer अजय देवगण त्याच्या को-पायलटसोबत विमान बाहेर काढण्याचा प्रयत्न करताना दिसत आहे. या चित्रपटात अजय देवगणच्या सह-पायलटच्या भूमिकेत रकुल प्रीत सिंग (Rakul Preet Singh) देखील आहे.

रनवे 34' ईदच्या मुहूर्तावर 29 एप्रिल 2022 रोजी रिलीज होत आहे. या चित्रपटाची निर्मिती अजय देवगणच्या एफफिल्म्सने केली आहे. या चित्रपटाची सहनिर्मिती कुमार मंगत पाठक, विक्रांत शर्मा, संदीप हरीश केवलानी, त्रलोक सिंग जेठी , हसनैन हुसैनी आणि जय कनोजिया यांनी केली आहे.