Chhatrapati Sambhajinagar : छत्रपती संभाजीनगरच्या गंगापूर तालुक्यातील प्रकार; मतदान करतानाचं मोबाईल कॅमेऱ्यात चित्रिकरण

थोडक्यात बातमी वाचण्यासाठी खाली स्क्रोल करा...

(Chhatrapati Sambhajinagar) राज्यातील 12 जिल्हा परिषद आणि 125 पंचायत समित्यांसाठी काल मतदान पार पडलं. उद्या सोमवारी 9 तारखेला मतमोजणी पार पडणार असून निकाल लागणार आहे. काल सकाळी 7:30 ते संध्याकाळी 5:30 या वेळेत मतदान पार पडलं. यासोबतच उद्या 9 तारखेला सकाळी 10 वाजता मतमोजणीला सुरूवात होणार आहे.

यातच आता छत्रपती संभाजीनगर जिल्ह्यातील गंगापूर तालुक्यातील शेंदूरवादा सर्कलमध्ये जिल्हा परिषद व पंचायत समिती निवडणुकीचे मतदान एकूणच शांततेत पार पडले. मात्र पेंडापूर येथील मतदान केंद्रावर मतदान करतानाचा व्हिडीओ सोशल मीडियावर व्हायरल झाल्याने खळबळ उडाली आहे.

मतदान करताना मोबाईलमध्ये ते चित्रित करण्यात आल्याचे पाहायला मिळत असून संबंधित व्हिडीओ काही वेळातच मोठ्या प्रमाणावर शेअर झाला. मतदान केंद्रात मोबाईल घेऊन जाण्यावर बंदी असताना देखील हे चित्रीकरण करण्यात आल्याने आता चर्चा सुरू झाली आहे.

Summary

• मतदान करतानाचं मोबाईल कॅमेऱ्यात चित्रिकरण

• छत्रपती संभाजीनगरच्या गंगापूर तालुक्यातील प्रकार

• केंद्रावर मतदान करतानाचा व्हिडीओ व्हायरल