Lower Parel Fire : मोठी बातमी! लोअर परळ वर्कशॉपमध्ये डबल डेकर कोचला आग लागली

थोडक्यात बातमी वाचण्यासाठी खाली स्क्रोल करा...

पश्चिम रेल्वेच्या लोअर परळ वर्कशॉपमध्ये आज (ता. १३) मेल एक्स्प्रेसच्या डबल डेकर कोचला अचानक भीषण आग लागली. आगीची माहिती मिळताच अग्निशमन दलाने तात्काळ घटनास्थळी धाव घेतली आणि शर्थीचे प्रयत्न करून आगी आटोक्यात आणली.

या घटनेमुळे वर्कशॉप परिसरात धुराचे मोठे जाळ उसळले आणि भीतीचे वातावरण निर्माण झाले. सुदैवाने कोणतीही जीवितहानी झाली नाही, अशी प्राथमिक माहिती समोर आली आहे. डबल डेकर कोच दुरुस्तीसाठी वर्कशॉपमध्ये उभी असताना ही दुर्घटना घडली. आगीचे नेमके कारण अद्याप अस्पष्ट असून, रेल्वे आणि अग्निशमन दलाकडून तपास सुरू आहे.

पश्चिम रेल्वेने या कोचमुळे अन्य ट्रेन सेवेवर परिणाम झाल्याची माहिती दिलेली नाही. मात्र, स्थानिक नागरिक आणि प्रवाशांमध्ये भीती पसरली होती. अग्निशमन दलाच्या तज्ज्ञांनी शॉर्ट सर्किट किंवा इलेक्ट्रिकल खराबीमुळे आग लागल्याचा प्राथमिक अंदाज वर्तवला आहे. पुढील तपासानंतरच खरे कारण समोर येईल.