Ritu Tawde : रितू तावडे आज महापौरपदी विराजमान होणार; तब्बल 44 वर्षांनंतर भाजपचा महापौर
थोडक्यात बातमी वाचण्यासाठी खाली स्क्रोल करा...
(Ritu Tawde)महापालिका निवडणुकांच्या निकालानंतर लक्ष लागले होते ते म्हणजे मुंबईचा महापौर कोण होणार? महापौरपद कोणाला मिळणार याची उत्सुकता सर्वांना होती. त्यानंतर मुंबईच्या महापौरपदासाठी भाजपाकडून रितू तावडे यांचे नाव निश्चित करण्यात आले.
तर उपमहापौरपदासाठी शिंदेसेनेचे नगरसेवक संजय घाडी यांच्या नावावर शिक्कामोर्तब करण्यात आला आहे. याच पार्श्वभूमीवर आज रितू तावडे महापौरपदी विराजमान होणार आहेत. आज दुपारी 12 वाजता विशेष सभेचं आयोजन करण्यात आले असून शक्तिप्रदर्शन करत महायुतीचे नगरसेवक जल्लोष करणार आहेत.
यासोबतच समिती सदस्यांची नियुक्तीही आजच होण्याची शक्यता वर्तवण्यात येत आहे. महापालिका आयुक्त भूषण गगराणी यांच्या उपस्थितीत रितू तावडे महापौर म्हणून विराजमान होतील. तब्बल ४४ वर्षांनंतर पालिकेच्या महापौर पदी भाजपचा महापौर बसणार आहे.
Summary
रितू तावडे आज महापौरपदी विराजमान होणार
आज दुपारी 12 वाजता विशेष सभेचं आयोजन
तब्बल 44 वर्षांनंतर भाजपाचा महापौर
