आज काय घडले: सिंहगड किल्ला पुन्हा मावळ्यांनी जिंकला
सुविचार
यश मिळवण्यासाठी सगळ्यात मोठी शक्ती लागते ते म्हणजे आत्मविश्वास.
आज कृषी दिन : हरित क्रांतीचे प्रणेते आणि महाराष्ट्राचे माजी मुख्यमंत्री वसंतराव नाईक यांच्या जयंतीनिमित्त आजचा दिवस कृषी दिन म्हणून साजरा केला जातो.
आज डॉक्टर डे : भारताचे महान डॉक्टर आणि पश्चिम बंगालचे दुसरे मुख्यमंत्री डॉ. बिधानचंद्र रॉय यांच्या सन्मानार्थ राष्ट्रीय डॉक्टर दिवस देशभरात साजरा होतो. त्यांची जयंती व पुण्यतिथी १ जुलै रोजी आहे.
आज काय घडले
१६९३ मध्ये संभाजीराजांच्या मृत्यूनंतर सिंहगड मोगलांकडे गेला होता. नवजी बलकवडे यांनी चारशे मावळ्यांनिशी सिंहगडासारखा अभेद्य किल्ला पुन्हा जिंकून घेतला.
१८७९ मध्ये भारतात पोस्टकार्ड बाजारात विक्रीस उपलब्ध झाली. त्यावेळी त्याची किंमत तीन पैसे होती.
१९५५ मध्ये स्टेट बँक ऑफ इंडिया अॅक्ट १९५५ नुसार भारयीस स्टेट बँक अस्तित्वात आली. या आधी बँकचे नाव इंपिरिअल बँक होते.
२०१७ मध्ये देशांतील अर्थव्यवस्थेमध्ये महत्वपूर्ण सुधारणा झाली. वस्तू व सेवाकर म्हणजेच जीएसटी संपूर्ण भारतात लागू करण्यात आला.
आज यांचा जन्म
महाराष्ट्राचे माजी मुख्यमंत्री वसंतराव नाईक यांचा १९१३ मध्ये जन्म झाला. त्यांचा जन्म दिन कृषी दिन म्हणून साजरा केला जातो.
भारतीय बासरीवादक, संगीतकार पंडित हरिप्रसाद चौरसिया यांचा १९३८ मध्ये जन्म झाला. हिंदुस्तानी संगीतशैलीच्या ढंगाने केलेल्या बासरीवादनासाठी ते ख्यातनाम आहेत.
माजी केंद्रीय मंत्री आणि भाजपचे नेते वेंकय्या नायडू यांचा १९४९ मध्ये जन्म झाला.
भारतीय वंशाच्या अमेरिकन अंतराळवीर कल्पना चावला यांचा १९६१ मध्ये जन्म झाला. प्राथमिक रोबोटिक आर्म ऑपरेटर म्हणून त्यांनी अमेरिकेतील स्पेस शटल कोलंबियावरून अवकाशात उड्डाण केले होते.
रामपूर-साहसवान घराण्याचे शास्त्रीय गायक उस्ताद राशिद खान यांचा १९६६ मध्ये जन्म झाला. त्यांना पद्मश्री पुरस्कार सन्मानित करण्यात आले आहे.
आज यांची पुण्यतिथी
रबरावरील व्हल्कनायझेशन ही प्रक्रिया शोधणारे अमेरिकन संशोधक चार्ल्स गुडईयर यांचे १८६० मध्ये निधन झाले.
प्रख्यात भारतीय कायदेपंडित, राजकीय कार्यकर्ते व संस्कृत आणि इंग्रजी साहित्याचे अभ्यासक गणेश श्रीकृष्ण खापर्डे यांचे १९३८ मध्ये निधन झाले.
अखिल भारतीय काँग्रेसचे अध्यक्ष पुरुषोत्तमदास टंडन यांचे १९६२ मध्ये निधन झाले. हिंदी भाषेला राष्ट्रभाषेचे स्थान मिळवण्यात त्यांचा मोठा वाटा आहे. १९६१ मध्ये त्यांना भारत रत्न पुरस्काराने सन्मानित करण्यात आले.
मराठी कवी आणि शिक्षणतज्ज्ञ प्राचार्य गणेश हरी पाटील यांचे १९८९ मध्ये निधन झाले. त्यांच्या अनेक कविता मराठी शालेय पाठ्यपुस्तकांत आहेत.
मराठी रंगभूमीवरील नेपथ्यकार राजाभाऊ नातू यांचे १९९४ मध्ये निधन झाले.
