फुटबॉलपटू मेस्सी आता पॅरिस सेंट-जर्मेन क्लबकडून खेळणार

फुटबॉलपटू मेस्सीने बार्सिलोनाला अलविदा केल्यानंतर आता तो पॅरिस सेंट-जर्मेन क्लबकडून खेळणार आहे. लवकरच पॅरीसमध्ये पीएसजीसोबत करार करणार आहे. पीएसजीकडून त्याला वर्षाला २५७ कोटी रुपये मिळण्याची आशा आहे. हा करार दोन वर्षांचा असून २०२४ पर्यंत मुदत वाढवण्याची शक्यता आहे.

फुटबॉलपटू लिओनेल मेस्सीने बार्सिलोनाला अलविदा केल्यानंतर आता तो पॅरिस सेंट-जर्मेन क्लबकडून खेळणार आहे. सेंट-जर्मेन संघात ब्राझीलचा नेयमार, फ्रान्सचा किलियान एम्बापे, अर्जेटिनाचा एंजल डी मारिया यांसारख्या प्रतिभावान खेळाडूंचा समावेश आहे. त्याशिवाय काही महिन्यांपूर्वीच त्यांनी स्पेनचा सर्जिओ रामोस आणि युरो चषक विजेत्या इटलीचा गोलरक्षक डोनारुमा यांनाही करारबद्ध केले. सेंट-जर्मेन संघ फ्रान्समधील लीग-१ चषक फुटबॉल स्पर्धेत खेळतो.