Vinod Kambli
Vinod Kambli team lokshahi

Vinod Kambli : घर चालवण्यासाठी नोकरीच्या शोधात

सचिनला माझी अवस्था माहीतीये; विनोद कांबळी
Published by :
Shubham Tate

Vinod Kambli : माजी क्रिकेटपटू विनोद कांबळी यांनी एका मुलाखतीत सांगितले होते की, त्यांची आर्थिक परिस्थिती अत्यंत बिकट आहे. सचिन तेंडुलकरसोबत क्रिकेट करिअरची सुरुवात करणारा विनोद कांबळी सध्या आर्थिक संकटाचा सामना करत आहे. (vinod kambli in financial trouble looking)

त्यांच्याकडे नीट घर चालवण्यासाठीही पैसे नाहीत, अशी स्थिती आहे. सध्या तो नोकरीच्या शोधात आहे. हे त्यांनी स्वतः एका मुलाखतीत सांगितले.

Vinod Kambli
आता एटीएममधून पैसे काढणं महागणार

वृत्तपत्राला दिलेल्या मुलाखतीत विनोद कांबळी म्हणाले, 'मी निवृत्त क्रिकेटर आहे आणि पूर्णपणे बीसीसीआयच्या पेन्शनवर अवलंबून आहे. माझ्या उत्पन्नाचा एकमेव स्रोत बीसीसीआय आहे आणि त्यासाठी मी खूप आभारी आहे. अशा प्रकारे माझ्या कुटुंबाचा खर्च भागतो. मला कामाची गरज आहे. मला माहित आहे की, मुंबईने अमोल मजुमदार यांना मुख्य प्रशिक्षक म्हणून ठेवले आहे, परंतु त्यांना माझी गरज असल्यास मी उपलब्ध आहे. मी मुंबईसाठी खेळलो आहे आणि म्हणूनच त्यांनी माझ्यासाठी काहीतरी करावे असे मला वाटते.

'सचिनला माझी अवस्था माहीत आहे'

कांबळी म्हणतो, 'मी मुंबई क्रिकेट असोसिएशनमध्ये गेलो होतो. मला माझे घर चालवायचे आहे. मी एमसीएला अनेकवेळा सांगितले आहे की त्यांना माझी गरज भासल्यास मी पोहोचेन. सचिन तेंडुलकरची मदत घेण्याच्या प्रश्नावर कांबळी म्हणतो, 'सचिनला माझी अवस्था माहीत आहे. त्याने मला यापूर्वीही मदत केली आहे. त्यांनी मला तेंडुलकर मिडलसेक्स ग्लोबल असाईनमेंट दिली. तो माझा खूप चांगला मित्र राहिला आहे. मला आता त्यांच्याकडून मदतीची अपेक्षा नाही.

Vinod Kambli
दीपिका पदुकोणने पुन्हा केले सेटवरील फोटो शेअर, आता चाहते करतायत अशा कमेंट

विनोद कांबळीची आंतरराष्ट्रीय कारकीर्द अशीच आहे

विनोद कांबळीने आपल्या कारकिर्दीत भारतासाठी 17 कसोटी आणि 104 एकदिवसीय सामने खेळले. एकदिवसीय क्रिकेटमध्ये त्याच्या 1084 धावा आणि कसोटीत 2477 धावा आहेत. लहानपणी तो सचिनसोबत क्रिकेट खेळायचा. त्याने आपल्या कारकिर्दीची सुरुवातही दमदार पद्धतीने केली पण नंतर तो आपला फॉर्म कायम राखू शकला नाही आणि संघाबाहेर गेला. यानंतर कांबळी बहुतांश वृत्तवाहिन्यांवर सामन्याची चर्चा करताना दिसला.

logo
Lokshahi Marathi
www.lokshahi.com