Mumbai Local Mega Block : मध्य आणि हार्बर मार्गावर उद्या मेगाब्लॉक; वेळापत्रक पाहूनच घराबाहेर पडा...!

(Mumbai Local Mega Block ) मध्य आणि हार्बर मार्गावर उद्या मेगाब्लॉक घेण्यात येणार आहे. तर पश्चिम रेल्वेवर दिवसाचा ब्लॉक घेतला जाणार नाही. माटुंगा – मुलुंड अप आणि डाऊन धिम्या मार्गावर सकाळी 11.05 ते दुपारी 3.55 पर्यंत हा मेगाब्लॉक असणार आहे. सीएसएमटी, मुंबई येथून सकाळी 10.14 ते दुपारी 3.32 पर्यंत सुटणाऱ्या डाऊन धिम्या मार्गावरील लोकल फेऱ्या माटुंगा आणि मुलुंड स्थानकांदरम्यान डाऊन जलद मार्गावर वळवल्या जाणार आहे. तसेच ठाणे येथून 11.7 ते 15.51 पर्यंत सुटणाऱ्या अप धिम्या मार्गावरील लोकल मुलुंड, भांडुप, विक्रोळी, घाटकोपर, कुर्ला आणि शीव स्थानकांदरम्यान, अप जलद मार्गावर वळवल्या जातील.

मानखुर्द आणि नेरुळ दरम्यान अप आणि डाऊन हार्बर मार्गावर सकाळी 11.15 ते 16.15 पर्यंत तसेच, ब्लॉकच्या वेळेत सीएसएमटी मुंबई – मानखुर्द आणि पनवेल – नेरुळ/ठाणे दरम्यान विशेष लोकल चालवल्या जाणार आहेत. हार्बर लाईनवरील प्रवाशांना सकाळी 10.00 ते दुपारी 4.30 पर्यंत ट्रान्स-हार्बर लाईन / मेन लाईनवरून प्रवास करण्याची परवानगी आहे.

वाशी/बेलापूर/पनवेलसाठी सुटणाऱ्या डाऊन हार्बर मार्गावरील लोकल आणि सीएसएमटी येथून सकाळी 10.37 ते दुपारी 15.45 वाजेपर्यंत पनवेल/बेलापूर/वाशीकडे जाणाऱ्या अप हार्बर मार्गावरील लोकल रद्द राहतील.