दिवाळीच्या दिवशी 3 तासच फटाके फोडायला परवानगी, हायकोर्टाने सांगितले...

मुंबईतील प्रदूषणात वाढ झाली आहे. याच पार्श्वभूमीवर आता मुंबई महानगर क्षेत्रातील हवेची गुणवत्ता सुधारण्याच्या दृष्टीने दिवाळीत फटाके वाजवण्यावर उच्च न्यायालयाने निर्बंध घातले आहेत. त्यानुसार आता केवळ सायंकाळी ७ ते रात्री १० असे 3 तासच फटाके वाजवण्यास परवानगी असणार आहे.

कोर्टाने बांधकामांबाबतही मोठा निर्णय घेतला आहे. सर्वत्र सुरू असलेल्या बांधकामामुळे निर्माण होणारी धूळ प्रदूषणाचे प्रमुख कारण असल्याचे निरीक्षण नोंदवले आहे. शुक्रवारपर्यंत स्थिती न सुधारल्यास बांधकामांवर बंदी घालण्याचा इशारा देण्यात आला आहे.

बांधकाम बंदीबाबत हायकोर्टाकडून शेवटची संधी दिली आहे. शुक्रवारपर्यंत हवेची गुणवत्ता न सुधारल्यास 4 दिवस बांधकाम बंदी सांगण्यात आली आहे.