Nagar Parishad and Nagar Panchayat Election Result : मोठी बातमी; नगरपरिषद आणि नगरपंचायत सर्व निवडणुकांची मतमोजणी 21 डिसेंबरला होणार

थोडक्यात बातमी वाचण्यासाठी खाली स्क्रोल करा...

( Election Result) नगरपरिषदा व नगरपंचायतींच्या 264 अध्यक्षपदांच्या आणि 6 हजार 42 सदस्यपदांच्या जागांसाठी आज मतदान पार पडत आहे. आज मतदान पार पडल्यानंतर उद्या 3 डिसेंबरला मत मोजणी पार पडणार होती. मात्र आता एक मोठी माहिती समोर येत आहे.

काही नगरपरिषदांबाबत न्यायालयीन प्रक्रिया प्रलंबित असल्याने राज्यातील जवळपास 20 नगरपरिषदांची मतदान प्रक्रिया पुढे ढकलली होती. यातच सर्व निवडणुकांचे निकाल एकाच दिवशी जाहीर व्हावेत.अशी याचिका उच्च न्यायालयात दाखल करण्यात आली होती. याच पार्श्वभूमीवर आता उच्च न्यायालयाच्या नागपूर खंडपीठाने महत्त्वाचा निकाल दिला आहे.

उच्च न्यायालयाच्या खंडपीठाने सर्व नगरपरिषद आणि नगरपंचायत निवडणुकांचा निकाल एकाच दिवशी म्हणजे 21 डिसेंबरला जाहीर करण्याचे निर्देश दिले आहेत. सगळा युक्तिवाद ऐकून घेतल्यानंतर उच्च न्यायालयाच्या खंडपीठाने हा निर्णय दिला आहे. त्यामुळे उमेदवारांना आता 21 डिसेंबरची वाट पाहावी लागणार आहे.

Summery

• नगरपरिषदा व नगरपंचायतींच्या 264 अध्यक्षपदांच्या आणि 6 हजार 42 सदस्यपदांच्या जागांसाठी आज मतदान पार पडत आहे

• उद्याची मतमोजणी रद्द, नवी तारीख आली समोर

• नगरपरिषद आणि नगरपंचायत निवडणुकांचा निकाल एकाच दिवशी म्हणजे 21 डिसेंबरला जाहीर करण्याचे निर्देश