Pune NCP : पुणे जिल्ह्यात दोन्ही राष्ट्रवादी एकत्र लढण्याची शक्यता

थोडक्यात

• चंदगडनंतर पुणे जिल्ह्यातही दोन्ही राष्ट्रवादी एकत्र लढणार ?

• जेजुरी नगरपरिषदेमध्ये दोन्ही पवार एकत्र लढण्याची शक्यता

• दोन्ही बाजूने चर्चा सुरू असल्याची माहिती

( Pune NCP) स्थानिक स्वराज्य संस्थांच्या निवडणुकांसाठी सर्वच राजकीय पक्ष तयारीला लागले आहेत. यातच राष्ट्रवादी काँग्रेसच्या शरद पवार व अजित पवार या दोन्ही गटांनी कोल्हापूर जिल्ह्यातील चंदगड नगरपंचायत एकत्र लढवण्याची घोषणा केली आहे.

नगरपंचायतीसह जिल्हा परिषदेतील चंदगड गटातील निवडणुक ते एकत्र लढणार आहेत. यातच आता दोन्ही राष्ट्रवादी चंदगडनंतर पुणे जिल्ह्यात देखील एकत्र लढण्याची शक्यता वर्तवण्यात येत आहे.

जेजुरी नगरपरिषदेमध्ये दोन्ही पवार एकत्र लढण्याची शक्यता असून दोन्ही बाजूने चर्चा सुरू असल्याची माहिती मिळत आहे. या निर्णयामुळे आता राजकीय वर्तुळात चर्चांना उधाण आलं आहे.