Solapur : सोलापुरातील मोहोळ मतदान केंद्रावर मशीन बंद, मतदान प्रक्रियेत अडथळा

थोडक्यात बातमी वाचण्यासाठी खाली स्क्रोल करा...

(Solapur) नगरपरिषदा व नगरपंचायतींच्या 264 अध्यक्षपदांच्या आणि 6 हजार 42 सदस्यपदांच्या जागांसाठी आज मतदान होईल. मतदान केंद्रावर मोठ्या प्रमाणावर पोलीस बंदोबस्त तैनात करण्यात आला आहे. एकूण 12 हजार 316 मतदान केंद्रांसाठी 62 हजार 108 निवडणूक अधिकारी-कर्मचाऱ्यांची नियुक्ती केली आहे.

आज मतदान पार पडल्यानंतर उद्या 3 डिसेंबरला मत मोजणी होणार आहे.सर्वच उमेदवारांची उत्सुकता शिगेला पोहचली आहे. आज नगरपरिषदा व नगरपंचायतींच्या 264 अध्यक्षपदांच्या आणि 6 हजार 42 सदस्यपदांच्या निवडणुकीत कोण बाजी मारणार, मतदार कोणाला कौल देणार हे पाहणं महत्त्वाचे ठरणार आहे. यातच आता काही मतदान केंद्रावर गोंधळाची परिस्थिती निर्माण होताना पाहायला मिळत आहे.

सोलापुरातील मोहोळ मध्ये मतदान केंद्रावरील मशीन बंद पडल्याची माहिती मिळत असून मोहोळ शहरातील नेताजी प्रशाला मतदान केंद्रावरील मशीन बंद पडली आहे. प्रभाग क्रमांक चार मधील दोन नंबर बुथवरील मशीन 1 तासापासून बंद असून भाजपा उमेदवार प्रतिनिधी सोमेश क्षीरसागर आणि माजी आमदार रमेश कदम मतदान केंद्रावर दाखल झाले आहेत. मशीन बंद पडल्या बाबत अधिकाऱ्यांना ते जाब विचारत आहेत.

Summery

• सोलापुरातील मोहोळ मध्ये मतदान केंद्रावरील मशीन बंद पडली

• मोहोळ शहरातील नेताजी प्रशाला मतदान केंद्रावरील मशीन बंद पडली

• प्रभाग क्रमांक चार मधील दोन नंबर बुत वरील मशीन 1 तासापासून बंद