Nashik : मतदान यादीत नाव सापडत नसल्याने मतदाराने नाशिकच्या भगूर मतदान केंद्रावर घातला गोंधळ

थोडक्यात बातमी वाचण्यासाठी खाली स्क्रोल करा...

(Nashik ) नगरपरिषदा व नगरपंचायतींच्या 264 अध्यक्षपदांच्या आणि 6 हजार 42 सदस्यपदांच्या जागांसाठी आज मतदान होईल. मतदान केंद्रावर मोठ्या प्रमाणावर पोलीस बंदोबस्त तैनात करण्यात आला आहे.

एकूण 12 हजार 316 मतदान केंद्रांसाठी 62 हजार 108 निवडणूक अधिकारी-कर्मचाऱ्यांची नियुक्ती केली आहे.आता आज मतदान पार पडल्यानंतर उद्या 3 डिसेंबरला मत मोजणी होणार आहे. सर्वच उमेदवारांची उत्सुकता शिगेला पोहचली आहे. आज नगरपरिषदा व नगरपंचायतींच्या 264 अध्यक्षपदांच्या आणि 6 हजार 42 सदस्यपदांच्या निवडणुकीत कोण बाजी मारणार, मतदार कोणाला कौल देणार हे पाहणं महत्त्वाचे ठरणार आहे.

सकाळपासून मतदानाला सुरुवात झाली आहे. मतदान केंद्राबाहेर मतदारांची गर्दी पाहायला मिळत आहे. यातच आता नाशिकच्या भगूर नगर परिषदेच्या निवडणुकीच्या मतदानाच्या यादीत मतदाराचे नाव सापडत नसल्याची माहिती मिळत आहे. मतदानाच्या यादीत नाव सापडत नसल्याने मतदाराने मतदान केंद्रावर गोंधळ घातल्याचे पाहायला मिळत आहे. यावेळी मतदाराने अधिकाऱ्यांना जाब विचारला आहे. मतदार म्हणून अधिकाऱ्यांना प्रश्न विचारण्याचा मला अधिकार लोकशाहीने दिलाय असे म्हणत अधिकाऱ्यांना सुनावल्याचे पाहायला मिळत आहे.

Summery

• भगूर नगर परिषदेच्या निवडणुकीच्या मतदानाला सुरुवात

• मतदानाच्या यादीत मतदाराचे नाव सापडत नसल्याने मतदाराने मतदान केंद्रावर गोंधळ घातला

• मतदार म्हणून अधिकाऱ्यांना प्रश्न विचारण्याचा मला अधिकार लोकशाहीने दिलाय असे म्हणत अधिकाऱ्यांना सुनावले