Ladki Bahin Yojana : भाऊबीजेला सरकारकडून खास ओवाळणी ,अपडेट वाचली का?

थोडक्यात

• राज्यातील महिलांसाठी एक मोठा अपडेट समोर आला आहे.

• 21 ते 65 वर्षे वयातील महिलांना दरमहा 1500 रुपये आर्थिक मदत दिली जाते.

• बहिणींना ऑक्टोबरच्या हप्त्यात 1500 रुपये ऐवजी 2100 रुपये सन्माननिधी मिळण्याची शक्यता आहे.

राज्यातील महिलांसाठी एक मोठा अपडेट समोर आला आहे. मुख्यमंत्री लाडकी बहिण योजनेअंतर्गत, बहिणींना ऑक्टोबरच्या हप्त्यात 1500 रुपये ऐवजी 2100 रुपये सन्माननिधी मिळण्याची शक्यता आहे. या बदलाची अधिकृत माहिती जरी नसलं तरी, मंत्री नरहरी झिरवल यांनी यावर सकारात्मक संकेत दिले आहेत.

योजना बंद होणार...

मंत्री झिरवल यांनी स्पष्ट केले की, मुख्यमंत्री लाडकी बहिन योजना कोणत्याही परिस्थितीत बंद होणार नाही. 21 ते 65 वर्षे वयातील महिलांना दरमहा 1500 रुपये आर्थिक मदत दिली जाते. महिलांना या योजनेचा लाभ घेण्यासाठी ई-केवायसी प्रक्रिया पूर्ण करणे आवश्यक आहे, ज्यासाठी नोव्हेंबर पर्यंतची मुदत दिली आहे.

सन्माननिधी वाढण्याची शक्यता

नरहरी झिरवल यांनी म्हटले की, सन्माननिधीच्या रकमेत वाढ करण्याचा विचार केला जाऊ शकतो. त्यामुळे, बहिणींना 2100 रुपये हप्ता मिळण्याच्या प्रतीक्षेत आहेत.

कर्ज पुरवठा सुरू

मुख्यमंत्री लाडकी बहिन योजनेअंतर्गत महिलांना आता कर्ज पुरवठा देखील सुरू झाला आहे. मुंबईच्या दादर शाखेने 57 महिलांना कर्ज पुरवठा केला. मंत्री आदिती तटकरे यांनी या कर्जाचा धनादेश महिलांना प्रदान केला, ज्यामुळे महिलांच्या उद्योजकतेला चालना मिळणार आहे.

ई-केवायसी कशी करावी?

• साईटवर जा: ladakibahin.maharashtra.gov.in

• लॉगिन करा आणि e-KYC वर क्लिक करा.

• आधार क्रमांक व Captcha कोड भरा.

• OTP प्राप्त करून सादर करा.

• पती/वडिलांचा आधार क्रमांक नोंदवा आणि OTP सबमिट करा.

• योजना महिलांसाठी फायदेशीर असून, पुढील काळात ती आणखी लाभकारी होईल अशी अपेक्षा आहे.