Devendra Fadnavis : महानगरपालिका विजयाच्या यशानंतर मुख्यमंत्री देवेंद्र फडणवीस तेलंगणात प्रचारासाठी मैदानात
थोडक्यात बातमी वाचण्यासाठी खाली स्क्रोल करा...
महाराष्ट्रातील नगरपालिका आणि महानगरपालिका निवडणुकांमध्ये भाजपाला मिळालेल्या घवघवीत यशानंतर आता या विजयाचा अनुभव इतर राज्यांत पोहोचवण्यासाठी मुख्यमंत्री देवेंद्र फडणवीस सक्रिय झाले आहेत. याच पार्श्वभूमीवर मुख्यमंत्री देवेंद्र फडणवीस आज तेलंगणा दौऱ्यावर असून, आगामी निवडणुकांच्या पार्श्वभूमीवर भाजपाच्या प्रचारासाठी ते मैदानात उतरले आहेत.
महाराष्ट्रात स्थानिक स्वराज्य संस्थांच्या निवडणुकांमध्ये भाजपाने प्रभावी कामगिरी करत अनेक नगरपालिका आणि महानगरपालिकांमध्ये सत्ता मिळवली. या विजयामागील रणनीती, संघटन कौशल्य आणि प्रशासनातील अनुभव लक्षात घेऊन भाजपाच्या केंद्रीय नेतृत्वाने मुख्यमंत्री फडणवीस यांना तेलंगणात प्रचारासाठी पाचारण केले आहे. तेलंगणातील निवडणुकांमध्ये भाजपाला बळकटी देण्यासाठी महाराष्ट्रातील यशस्वी मॉडेल उपयोगात आणण्याचा पक्षाचा प्रयत्न आहे.
आज मुख्यमंत्री देवेंद्र फडणवीस तेलंगणातील कागजनगर आणि मंचेरियल या ठिकाणी जाहीर प्रचारसभा घेणार आहेत. या सभांमधून ते केंद्र सरकारच्या योजना, भाजपाची विकासाची दृष्टी आणि काँग्रेस तसेच प्रादेशिक पक्षांच्या धोरणांवर टीका करण्याची शक्यता आहे. तसेच, तेलंगणातील मतदारांशी थेट संवाद साधत भाजपाच्या बाजूने वातावरण निर्माण करण्यावर त्यांचा भर राहणार आहे.
या प्रचार दौऱ्यात भाजपाचे राष्ट्रीय अध्यक्ष नितीन नबीन हे देखील तेलंगणात दाखल झाले असून, ते विविध मतदारसंघांमध्ये प्रचारसभा आणि बैठका घेणार आहेत. राष्ट्रीय अध्यक्ष आणि महाराष्ट्राचे मुख्यमंत्री एकत्र प्रचार करत असल्याने भाजपाच्या प्रचाराला अधिक धार येण्याची शक्यता आहे. पक्षाच्या वरिष्ठ नेत्यांची उपस्थिती ही भाजपासाठी ताकद ठरणार असल्याचे बोलले जात आहे.
तेलंगणातील निवडणुका भाजपासाठी प्रतिष्ठेच्या मानल्या जात असून, दक्षिण भारतात पक्षाचा प्रभाव वाढवण्यासाठी हे निवडणूक रणांगण अत्यंत महत्त्वाचे आहे. महाराष्ट्रातील यशस्वी स्थानिक स्वराज्य संस्थांच्या निवडणुकांचा अनुभव, मजबूत संघटन रचना आणि विकासाचा मुद्दा या जोरावर भाजप तेलंगणात मोठी कामगिरी करेल, असा विश्वास पक्ष नेतृत्वाकडून व्यक्त करण्यात येत आहे.
