Ajay Asher Removed From MITRA : देवेंद्र फडणवीस यांचा शिंदेंना धक्का! एकनाथ शिंदे यांच्या नजीकचे अजय आशर यांची उचलबांगडी

मु्ख्यमंत्री देवेंद्र फडणवीस यांनी उपमुख्यमंत्री एकनाथ शिंदे यांना आणखी एक मोठा धक्का दिला आहे. ‘मित्र’ संस्थेच्या उच्चस्थरीय सल्लागार पदावरून उपमुख्यमंत्र्यांचे निकटवर्तीय अजय आशर यांची उचलबांगडी करण्यात आलेली आहे. तर २०२२ मध्ये एकनाथ शिंदे मुख्यमंत्री असताना त्यांच्याकडे ‘मित्राच्या‘ उपाध्यक्षपदाची जबाबदारी होती.

‘मित्र’ संस्थेची मुख्यमंत्री देवेंद्र फडणवीसांनी नव्याने रचना केलेली आहे. ज्यात नीती आयोगाच्या धर्तीवर महाराष्ट्रात महाराष्ट्र इन्स्टिट्यूट फॉर ट्रान्सफॉर्मेशनची निर्मिती केली आहे. दरम्यान मुख्यमंत्री देवेंद्र फडणवीस यांनी आपले विश्वासू प्रवीण परदेशी यांना संस्थेचे सीइओ म्हणून नेमलं आहे. तर तीन उपाध्यक्ष नेमताना दोन्ही उपमुख्यमंत्र्यांना सहअध्यक्ष म्हणून नेमल आहे.