Raid 2 box Office Collection : अजय देवगणच्या 'या' चित्रपटाने पहिल्याच दिवशी घातला धुमाकुळ; जाणून घ्या किती केली कमाई?

अजय देवगणच्या 'रेड2' या चित्रपटाचे प्रदर्शनाच्या एक दिवस आधी आगाऊ बुकिंग केले जात होते. रेड2 चित्रपटाने पहिल्या दिवशी 10 कोटी इतकी कमाई केली आहे. वाढता बुकिंगचा वेग पाहता हा चित्रपट 13-15 कोटी रुपयांच्या दरम्यान ओपनिंग करु शकेल असा अंदाज होता. पण गुरुवारी चित्रपटाने बॉक्स ऑफिसवर ज्या पद्धतीने कामगिरी केली ती अपेक्षेपेक्षा खूपच जास्त आहे.

अजयच्या चित्रपटासाठी 2 लाख 20 हजारांहून अधिक तिकिटांची आगाऊ बुक करण्यात आली होती. या जोरदार बुकिंगमुळे चित्रपटाने 6.5 कोटी रुपयांपेक्षा जास्त आगाऊ कमाई केली होती. अशा परिस्थितीत 'रेड-2' ची निव्वळ ओपनिंग सुमारे 15 कोटी रुपयांपर्यंत जाऊ शकते असे मानले जात होते.

'रेड2' या वर्षीचा तिसरा सर्वात मोठा बॉलिवूड ओपनिंग चित्रपट ठरला आहे. त्याच्या पुढे विकी कौशलचा 'छावा' चित्रपटाने 33 कोटी तर सलमान खानच्या 'सिकंदर'ने 27.5 कोटींचा गल्ला जमा केला.