Ashish Shelar : कचरा संकलन भ्रष्टाचार प्रकरण, LOKशाहीच्या बातमीनंतर आशिष शेलारांचं आश्वासन

(Mumbai Garbage Vehicle ) मुंबईतले सफाई कामगार हे स्वच्छता दूत समजले जातात. संपूर्ण मुंबई स्वच्छ ठेवण्याचं काम या कर्मचाऱ्यांवर असतं. रोज सकाळी मोठ्या ट्रेलरवरून कचरा गोळा करताना आपण या कर्मचाऱ्यांना पाहत असतो. मात्र रोज मुंबई स्वच्छ करणारे कर्मचारी सध्या अडचणीत आले आहेत. ज्या मोठ्या गाड्यांवर हे कर्मचारी काम करतात त्या गाड्यांची दुरवस्था झालीय.

त्यामुळे या गाड्यांचा जर अपघात झाला किंवा काम करताना कर्मचाऱ्यांबरोबर एखादी दुर्घटना घडली तर त्याला जबाबदार कोण? त्यामुळे या सफाई कर्माचाऱ्यांना न्याय कधी मिळणार हे देखील महत्त्वाचे आहे. मुंबई महानगरपालिकेने आमच्या सुरक्षा कडे लक्ष द्यावं अशी मागणी देखील कर्मचारी करताना पाहायला मिळत आहे. या पार्श्वभूमीवर कचरा संकलन भ्रष्टाचार प्रकरणात आयुक्तांसोबत बैठक घेणार असून कचरा गाड्यांमध्ये भ्रष्टाचार होत असेल तर चौकशी होणार आहे असे,लोकशाहीच्या बातमीनंतर आशिष शेलारांचं आश्वासन दिले आहे.