International News
International News International News

International News : Big Breaking! बोट उलटून भीषण अपघात; 20 मृत, अनेक बेपत्ता

उत्तर-पश्चिम कांगोमधील माई-दोम्बे तलावावर मोठा बोट अपघात झाला आहे. यामध्ये वीस जणांचा मृत्यू झाला असून, अनेक जण बेपत्ता आहेत. या दुर्घटनेत मृतांचा आकडा आणखी वाढण्याची शक्यता आहे. ; बोट दुर्घटनेत मृतांचा आकडा वाढण्याची शक्यता
Published by :
Riddhi Vanne
Published on

उत्तर-पश्चिम कांगोमधील माई-दोम्बे तलावावर मोठा बोट अपघात झाला आहे. यामध्ये वीस जणांचा मृत्यू झाला असून, अनेक जण बेपत्ता आहेत. या दुर्घटनेत मृतांचा आकडा आणखी वाढण्याची शक्यता आहे. घटनास्थळी बचाव कार्य सुरू असून, स्थानिक प्रशासन आणि बचाव पथकाचे प्रयत्न सुरू आहेत.

या अपघाताच्या संदर्भात मिळालेल्या माहितीनुसार, राजधानी किंशासाकडे निघालेल्या बोटीने माई-दोम्बे तलावावर रात्री 8 वाजता पलटी घेतली. बोटीमध्ये असलेल्या प्रवाशांच्या नातेवाईकांनी घटनास्थळी गर्दी केली असून, बेपत्ता लोकांचा शोध घेतला जात आहे. तथापि, या बोटीमध्ये नेमके किती प्रवासी होते, त्यापैकी किती जणांचे प्राण गेले, किती वाचले आणि किती बेपत्ता आहेत, याबद्दल अद्याप अधिकृत आकडेवारी मिळालेली नाही. कांगो सरकारने याबाबत अधिकृत माहिती दिली नाही, परंतु माई न्दोम्बे प्रांताच्या गव्हर्नरने सांगितले की, घटनास्थळी पोहोचल्यावर अधिकृत आकडेवारी जाहीर केली जाईल.

मध्य आफ्रिकेतील बोट अपघातांच्या घटनांमध्ये वाढ होत आहे. या देशांमधील रस्त्यांची स्थिती अतिशय खराब आहे, त्यामुळे प्रवासी जलमार्गावर प्रवास करत आहेत. तसेच, बोटींमध्ये क्षमता पेक्षा जास्त प्रवासी बसवले जातात, ज्यामुळे वजन जास्त झाल्याने बोट पलटी होण्याचे प्रमाण वाढले आहे.

logo
Lokshahi Marathi News
www.lokshahi.com