26 तारखेला कमळासमोरचं बटण दाबून अजित पवारांना 440 व्होल्टचा शॉक द्या: चंद्रशेखर बावनकुळे
चिंचवड विधानसभेत भाजप प्रदेशाध्यक्षांकडून मॅरेथॉन बैठका घेतल्या जात आहेत. सकाळी 11 ते रात्री 10 पर्यंत तब्बल सतरा ठिकाणी ते प्रचार करणार आहेत. अश्विनी जगतापांना निवडून आणण्यासाठी भाजपाचे सर्वजण जोरात प्रचार करत आहेत. सगळे कामाला लागले आहेत. भाजपच्या अश्विनी जगताप, महाविकास आघाडीचे नाना काटे आणि अपक्ष उमेदवार राहुल कलाटे यांच्यात तिरंगी लढत होणार आहे.
यावेळी चंद्रशेखर बावनकुळे यांनी अजित पवार यांच्यावर टीका केली आहे. बावनकुळे म्हणाले की, 26 फेब्रुवारीला कमळासमोरच बटन जोरात दाबा, अजित पवारांना 440 व्होल्टचा असा करंटच लागला पाहिजे, की पुन्हा त्यांनी चिंचवडचे नावच घेऊ नये, असे बावनकुळे म्हणाले.
पुण्यातील कसबा आणि चिंचवड पोटनिवडणुकीकडे सर्वांचं लक्ष आहे. याच पार्श्वभूमीवर सर्वजण जोरदार प्रचार करत आहेत. भाजपाकडून विशेष प्रयत्न केलं जात आहेत. भाजपाचा प्रचार सुरु झाला आहे.
