CM Devendra Fadanvis Satara Daura : फडणवीसांच्या सातारा दौऱ्यावर डॉक्टर आत्महत्येच सावट? तरी ही फलटणमध्ये उपस्थित राहणार
मुख्यमंत्री देवेंद्र फडणवीस यांच्या सातारा दौऱ्यासंदर्भात एक महत्वाची बातमी समोर आली आहे. मुख्यमंत्री देवेंद्र फडणवीस हे आज सातारा दौरा करणार आहेत. फलटणमध्ये आज रविवारी होणाऱ्या कृतज्ञता समारंभासाठी मुख्यमंत्री देवेंद्र फडणवीस फलटण दौऱ्यावर येत आहेत.
त्याचवेळी फलटण शहर पोलिस स्टेशनच्या इमारतीचे उद्घाटन होणार होते. मुख्यमंत्री देवेंद्र फडणवीस आज साताऱ्यातील विविध विकासकामांच्या उद्धाटनासाठी सकाळी 10 वाजता फलटण येथे उपस्थित राहणार आहेत. तसेच साताऱ्यातील महिला डॉक्टर संपदा मुंडेच्या आत्महत्या प्रकरणाचं सावट मुख्यमंत्री देवेंद्र फडणवीस यांच्या दौऱ्यावर येण्याची शक्यता आहे.
दरम्यान आज नुकतीच एक मोठी अपडेट समोर आली आहे. सातारा डॉक्टर आत्महत्या प्रकरणी आणखी एक मुख्य आरोपी गोपाळ बदने अखेर पोलिसांना शरण आला आहे. तसेच सातारा डॉक्टर आत्महत्या प्रकरणी दोन्ही संशयीत आरोपी आता पोलिसांच्या स्वाधीन झाले असून या प्रकरणाला टर्निंग पॉईंट आला आहे. त्यामुळे दौऱ्यादरम्यान मुख्यमंत्री देवेंद्र फडणवीसांसमोर तेथील लोक काय मागणी करतात आणि या आरोपींच्या अटकेवर फडणवीस काय भूमिका घेतात हे पाहण महत्त्वाच ठरणार आहे.
