आगामी निवडणुका कोणाच्या नेतृत्वात? मुख्यमंत्र्यांनी सरळ सांगून टाकले की...

मुख्यमंत्री शिंदे हे सातारा येथे त्यांच्या गावी गेले आहेत. विरोधकांनी मुख्यमंत्री एकनाथ शिंदे रजेवर गेले आहेत. अशी टीका केली होती. यावर प्रतिउत्तर देत मुख्यमंत्री म्हणाले की, मी सध्या सुट्टीवर नाही तर सध्या डबल ड्युटीवर आहे. अडीच वर्ष घरी बसलेल्यांनी मला सांगू नये. असे मुख्यमंत्री शिंदेंनी विरोधकांच्या टीकेला उत्तर दिले आहे.

माध्यमांशी बोलताना त्यांना प्रश्न विचारण्यात आला की, आगामी निवडणुका कोणाच्या नेतृत्त्वात लढवल्या जाणार? यावर उत्तर देत शिंदे म्हणाले की, अजून आम्ही दिड वर्षे काम करणार आहोत. महायुती म्हणूनच आम्ही निवडणुकांना सामोरे जाणार आहोत.चिंता करु नका. गेले सात आठ महिने आम्ही जे काम केले आहे. त्यामुळे काहीजणांच्या पोटात दुखत आहे. असे शिंदे म्हणाले.

तसेच ते पुढे म्हणाले की, आम्ही टीकेला टीकेतून उत्तर देणार नाही. कामातून आम्ही उत्तर देणार आहोत. मी कधीही सुट्टी घेतली नाही. आता मी डबल ड्युटी करतो आहे.अडीच वर्षे मुख्यमंत्री राहिलेल्यांना घरी बसवलं ना. त्यांच्याकडे आता काहीच काम नाही. त्यामुळे ते आरोप करत आहेत. असे शिंदे म्हणाले.