केंद्राकडून राज्याच्या विकासासाठी संपूर्ण पाठिंबा मिळणार - CM शिंदे

राज्यात एखादं इनोव्हेटीव्ह काम करायचं असल्यास त्याला देखील केंद्र सपोर्ट करणार आहे. आजची झालेली बैठक ही अत्यंत महत्वाची आहे असं एकनाथ शिंदे म्हणाले आहेत. राष्ट्रपती भवनाच्या सांस्कृतिक सभागृहात आज पंतप्रधान नरेंद्र मोदी यांच्या अध्यक्षतेखाली नीती आयोगाच्या 7 व्या गव्हर्निंग कौन्सिलच्या बैठक पार पडली, त्यानंतर मुख्यमंत्री एकनाथ शिंदे यांनी ही माहिती दिली आहे. केंद्राकडून जो निधी अडवला जात होता ते आता होणार नाही कारण आता शिवसेना भाजप युतीचं सरकार आहे असं एकनाथ शिंदे म्हणाले आहे. तसंच सरकार स्थापन करण्यात कोर्टाच्या विषयीची काहीच अडचण नाही, मंत्री मंडळाबद्दलची चर्चा झालेली आहे असं एकनाथ शिंदे म्हणाले आहेत.

दरम्यान, बैठकीत पंतप्रधान नरेंद्र मोदी कृषी, शिक्षण आणि अर्थव्यवस्थेशी संबंधित मुद्द्यांवर विचारमंथन केलं आहे. पंतप्रधान नरेंद्र मोदींच्या अध्यक्षतेखाली आयोजित या बैठकीत देशातील विविध राज्यांचे मुख्यमंत्री, केंद्रशासित प्रदेशांचे नायब राज्यपाल, केंद्रीय मंत्री, सदस्य आणि NITI आयोगाचे उपाध्यक्ष सहभागी झाले होते. मात्र, बिहारचे मुख्यमंत्री नितीश कुमार आणि तेलंगणाचे मुख्यमंत्री केसीआर या बैठकीला अनुपस्थित होते. 2019 नंतर प्रथमच या बैठकीचं आयोजन करण्यात आलं होतं. या बैठकीत महाराष्ट्रासारख्या मोठ्या राज्याचे मुख्यमंत्री असलेले एकनाथ शिंदे मात्र शेवटच्या रांगेत उभे असलेले दिसले.