Delhi Blast : दिल्ली कार स्फोट प्रकरण; काश्मीरमधील अनेक ठिकाणी टाकण्यात आले छापे

थोडक्यात

• दिल्ली कार स्फोट प्रकरण

• 8 जणांचा मृत्यू झाला असून, 20 हून अधिक लोक जखमी

• काश्मीरमधील अनेक ठिकाणी टाकण्यात आले छापे

(Delhi Blast ) नवी दिल्लीमध्ये लाल किल्ला मेट्रो स्टेशन गेट क्रमांक 1 जवळ पार्किंगमध्ये स्फोट झाला. या स्फोटानंतर अनेक गाड्यांना आग लागली. हा स्फोट एवढा मोठा होता की, आजूबाजूच्या दुकानांच्या काचाही फुटल्या. या स्फोटात सुमारे 8 जणांचा मृत्यू झाला असून, 20 हून अधिक लोक जखमी झाले आहेत.

जखमींना रुग्णालयात उपचारासाठी दाखल केलं आहे. लाल किल्ला परिसरात मेट्रोच्या गेट क्रमांक एकवर एक कार उभी होती. याच कारमध्ये हा स्फोट झालेला आहे. या स्फोटामुळे आजूबाजूच्या तीन गाड्यांना आग लागल्याची घटना घडली. हा स्फोट नेमका कसा झाला? याचा तपास आता घेतला जात आहे.

याच पार्श्वभूमीवर आता ठिकठिकाणी सुरक्षा वाढवण्यात आली आहे. दिल्लीतील स्फोटानंतर नवी मुंबईतही सुरक्षा कडक करण्यात आली. याच पार्श्वभूमीवर आता काश्मीरमधील अनेक ठिकाणी छापे टाकण्यात आल्याची माहिती मिळत आहे. यासोबतच पुलवामातून एका व्यक्तीला ताब्यात घेतलं असल्याची माहिती मिळत आहे.