Ajit Pawar Meet's Sharad Pawar : मोठी बातमी! अजित पवारांनी घेतली शरद पवारांची भेट, तासभर काय घडलं?

राज्यातील राजकारणात महत्त्वपूर्ण चर्चेची माहिती समोर आली आहे. उपमुख्यमंत्री अजित पवार यांनी राष्ट्रवादी काँग्रेसचे खासदार शरद पवार यांची भेट घेतली. सूत्रांच्या माहितीनुसार, ही भेट सुमारे एक तास चालली, आणि अनेक महत्त्वाचे मुद्दे चर्चेअंतर्गत आले.

अजित पवार आणि शरद पवार यांचा संवाद वाय. बी. चव्हाण सेंटर, मुंबई येथे झाला. बैठकीत मुख्यतः माळेगाव सहकारी साखर कारखाना, राज्यातील पूरस्थिती, अतिवृष्टीग्रस्तांसाठी निधी गोळा करण्याचे उपाय आणि मतदारविषयक माहितीवर चर्चा झाली. सूत्रांनी सांगितले की, शरद पवार यांनी आतापर्यंत किती पंचनामे झाले आहेत, याची चौकशी केली, तर अजित पवार यांनी सरकारकडून दिल्या जाणाऱ्या मदतीविषयी माहिती दिली. याशिवाय, काही कौटुंबिक विषयांवरही चर्चा झाल्याची माहिती मिळाली.

अजित पवार आणि शरद पवार यांची ही पहिली भेट नव्हती; पक्षाच्या दोन गटांमध्ये ताण असूनही, दोन्ही नेते वेगवेगळ्या कार्यक्रमांतून एकत्र आलेले आहेत. यापूर्वीही काही बैठकांमध्ये आणि कौटुंबिक कार्यक्रमांमध्ये दोघे एकत्र दिसले होते. त्यामुळे एकत्रिकरणाच्या चर्चांना राजकीय वर्तुळात बळ मिळाले होते, मात्र ती चर्चा नंतर मागे पडली होती. राज्यातील पूरस्थिती, साखर कारखाना आणि अतिवृष्टीग्रस्तांसाठी उपाययोजना यावर अजित-पवार भेटीचा परिणाम पुढील राजकीय निर्णयांवर कसा होईल, हे आता पाहणे महत्वाचे ठरणार आहे