मुश्रीफ यांचे समर्थक आक्रमक; एका कार्यकर्त्याने फोडले डोके
Admin

मुश्रीफ यांचे समर्थक आक्रमक; एका कार्यकर्त्याने फोडले डोके

हसन मुश्रीफ यांच्या कागलमधील घरावर पुन्हा ईडीची धाड पडली आहे.
Published by :
Siddhi Naringrekar

हसन मुश्रीफ यांच्या कागलमधील घरावर पुन्हा ईडीची धाड पडली आहे. पहाटे 4 ते ५ अधिकाऱ्यांचे पथक मुश्रीफांच्या घरी दाखल झाले आहे. दीड महिन्यात ईडीने दुसऱ्यांदा मुश्रीफांच्या घरी धाड टाकली आहे.

ईडीकडून महत्त्वाच्या कागदपत्रांची तपासणी करण्यात येत आहे. संताजी घोरपडे साखर कारखान्यातील घोटाळ्याप्रकरणी मुश्रीफ यांच्या घरावर धाड पडली आहे. मुश्रीफ यांच्या घराबाहेर सुरक्षा रक्षकांचा मोठा बंदोबस्त ठेवण्यात आला आहे. ईडीच्या अधिकाऱ्यांनी सकाळीच मुश्रीफ यांच्या घरी येऊन तपासणी सुरू केली आहे.

हसन मुश्रीफ यांच्या घराबाहेर कार्यकर्त्यांनी राडा सुरू केलाय. जोरदार घोषणाबाजी सुरू आहे. या दरम्यान एका कार्यकर्त्याने स्वत:चे डोके फोडून घेतले आहे. मुश्रीफ यांचे समर्थक कार्यकर्ते अधिक आक्रमक झाले आहेत. यावेळी पोलिसांनी कार्यकर्त्यांची धरपकड केली.

logo
Lokshahi Marathi
www.lokshahi.com