विधानसभा अध्यक्ष राहुल नार्वेकर यांचा ईमेल हॅक, राज्यपालांना ईमेल करत आमदारांवर कारवाई करण्याची केली मागणी

राज्याच्या राजकारणातून एक खळबळजनक प्रकार समोर आला आहे. विधानसभा अध्यक्ष राहुल नार्वेकर यांचा ईमेल आयडी हॅक झाल्याची बातमी समोर आली. ईमेल आयडी हॅक करुन राज्यपालांना मेल पाठवण्यात आला आहे. त्या मेलमध्ये आमदारांवर कारवाई करण्याची मागणी देखील करण्यात आली आहे.

राज्यपालांना पाठवलेल्या या ई- मेलमध्ये “काही आमदार जे सभागृहात नीट वागत नाहीत त्यांच्यावर कारवाई करण्यात यावी," असा मजकूर लिहला असल्याचे सांगण्यात येत आहे. विधीमंडळात आमदार नीट वागत नसल्याने कारवाई करण्याचा मेलमध्ये उल्लेख केला आहे. मरीन लाईन्स पोलीस ठाण्यात या संदर्भात गुन्हा दाखल करण्यात आला आहे. मुंबई पोलीस अधिक तपास करत आहेत.