GST Increase : गेल्या वर्षीच्या तुलनेत GST मध्ये 6.2 टक्क्यांनी वाढ; अर्थ मंत्रालयाने दिली माहिती

अर्थ मंत्रालयाने वस्तू आणि सेवा कर (GST) 1,84,597 कोटी रुपये गोळा केले आहेत, जे जून 2024 मध्ये गोळा झालेल्या 1,73,813 कोटी रुपयांच्या तुलनेत 6.2 टक्के वाढले आहे, असे मंत्रालयाने म्हटले आहे. गेल्या वर्षी याच महिन्यात गोळा झालेल्या 1.74 लाख कोटी रुपयांच्या तुलनेत हे प्रमाण कमी आहे. तथापि, हा आकडा मे महिन्यातील 2.01 लाख कोटी रुपयांच्या संकलनापेक्षा आणि एप्रिल 2025 मध्ये नोंदवलेल्या 2.37 लाख कोटी रुपयांच्या सर्वोच्च संकलनापेक्षा कमी आहे.

देशांतर्गत व्यवहारांमधून मिळणारे उत्पन्न वर्षानुवर्षे 4.6 टक्के वाढून 1.38 लाख कोटी रुपये झाले, तर आयातीवरील जीएसटी 11.4 टक्के वाढून 45,690 कोटी रुपये झाला आहे. जून महिन्यातील एकूण जीएसटी कर विवरण हे केंद्रीय जीएसटी 34,558 कोटी रुपये, राज्य जीएसटी 43,268 कोटी रुपये, एकात्मिक जीएसटी 93,280 कोटी रुपये आणि भरपाई उपकर 13,491 कोटी रुपये असे आहे.

या महिन्यात परतफेड वार्षिक आधारावर 28.4 टक्के वाढून 25,491 कोटी रुपये झाली आहे. ज्यामुळे निव्वळ जीएसटी महसूल सुमारे 1.59 लाख कोटी रुपये झाला असून जून 2024 च्या तुलनेत ही 3.3 टक्के वाढ आहे.

हेही वाचा