NCP Ajit Pawar : अजित पवार गटाकडून उमेदवारांची पहिली यादी जाहीर; 36 नावांवर शिक्कामोर्तब
मुंबई महापालिका निवडणुकीच्या पार्श्वभूमीवर राष्ट्रवादी काँग्रेस (अजित पवार गट) कडून मोठी घोषणा करण्यात आली आहे. पक्षाने आपल्या उमेदवारांची पहिली यादी जाहीर केली असून या यादीत 36 जणांना उमेदवारी देण्यात आली आहे.
या निवडणुकीत अजित पवार गट स्वतंत्रपणे मैदानात उतरण्याची शक्यता आहे. त्यामुळेच उमेदवार जाहीर करून पक्षाने निवडणुकीची तयारी वेगात सुरू केल्याचे चित्र दिसत आहे. सध्या मुंबईत भाजप आणि शिवसेना यांची युती असून, दुसऱ्या बाजूला शिवसेना ठाकरे गट, मनसे आणि राष्ट्रवादी शरद पवार गट एकत्र निवडणूक लढवणार आहेत.
पहिल्या यादीतील उमेदवार
राष्ट्रवादी अजित पवार गटाच्या पहिल्या यादीत मनीष दुबे, सीरील डिसोझा, अहमद खान, बबन मदने, सुभाष पाताडे, सचिन तांबे, सज्जू मलिक, शोभा जाधव, हरिश्चंद्र जंगम, अक्षय पवार, ज्योती सदावर्ते, रचना गवस, भाग्यश्री केदारे, सोमू पवार, अब्दुल मलिक, चंदन पाटेकर, दिशा मोरे, सबिया मर्चेट, विलास घुले, अजय विचारे, हदिया कुरेशी, ममता ठाकूर, युसुफ मेमन, अमित पाटील, धनंजय पिसाळ, प्रतीक्षा घुगे, नागरत्न बनकर, चांदणी श्रीवास्तव, दिलीप पाटील, अंकिता दुबे, लक्ष्मण गायकवाड, सईदा खान, बुशरा मलिक, वासंथी देवेंद्र, किरण शिंदे आणि फरीन खान यांचा समावेश आहे.
दरम्यान, राष्ट्रवादी शरद पवार गटाने शिवसेना ठाकरे गट आणि मनसेसोबत युती केल्यामुळे अनेक इच्छुक उमेदवारांना तिकीट मिळाले नाही. त्यामुळे त्यापैकी काही जणांनी अजित पवार गटात प्रवेश केला असून, त्यांना या पहिल्या यादीत संधी देण्यात आली आहे.
याचबरोबर अजित पवार यांनी आणखी एक महत्त्वाची घोषणा केली आहे. पिंपरी-चिंचवड महापालिकेची निवडणूक अजित पवार गट आणि शरद पवार गट एकत्र लढवणार असल्याचे त्यांनी स्पष्ट केले आहे. त्यामुळे आगामी महापालिका निवडणुकांमध्ये राजकीय समीकरणे बदलताना दिसणार आहेत.
थोडक्यात
मुंबई महापालिका निवडणुकीच्या पार्श्वभूमीवर राष्ट्रवादी काँग्रेस (अजित पवार गट) कडून मोठी घोषणा.
पक्षाकडून उमेदवारांची पहिली यादी जाहीर.
पहिल्या यादीत एकूण 36 उमेदवारांना संधी.
अजित पवार गट स्वतंत्रपणे निवडणूक लढवण्याची शक्यता.
उमेदवार जाहीर करून पक्षाने तयारीला वेग दिला.
मुंबईत सध्या भाजप–शिवसेना युती सत्तेत.
विरोधी बाजूला शिवसेना ठाकरे गट, मनसे आणि राष्ट्रवादी शरद पवार गट यांची आघाडी.
