Bihar Vidhansabha Result : नितीश कुमारांच्या JDU ला किती जागा?

थोडक्यात

• बिहारमध्ये एनडीएचा बोलबाला..

• भाजप सर्वात मोठा पक्ष तर

• जेडीयू दुसऱ्या स्थानी..

बिहार विधानसभा (Bihar vidhansabha) निवडणुकांच्या निकालात भाजप एनडीएने मोठा विजय मिळवला असून भाजपच (BJP) मोठा भाऊ ठरला आहे. यंदाच्या विधानसभा निवडणुकीत एनडीएमध्ये भाजप, जयदू, एलजेपी, एचएएम आणि आरएलएम या 5 पक्षांची एनडीए आघाडी होती. एनडीएमधील सर्वच पक्षांना गत 2020 च्या विधानसभा निवडणुकांच्या तुलनेत यंदा चांगलं यश मिळाल्याचं दिसून येत आहे. राज्यातील 243 जागांपैकी यंदा भाजप आणि जदयूने (JDU) 102 जागांवर उमेदवार मैदानात उतरवले होते. तर, चिराग पासवान यांच्या लोकजनशक्तीने 29 उमेदवारांना तिकीट दिले. तसेच, हिंदुस्तानी आवाम मोर्चाने 6 आणि आरएलएमने 4 उमेदवारांना उमेदवारी दिली होती. त्यामध्ये, एनडीए आघाडीला 200 पेक्षा जास्त जागांवर विजय मिळत असल्याचे दिसते. त्यामध्ये, भाजप 91 तर नितीशकुमार (Nitishkumar) यांच्या जदयूला 79 जागांवर आघाडी असल्याचे दिसून येते.

एकूण 66.91 टक्के मतदान बिहारमध्ये - (Bihar Total Voting) 18 जिल्ह्यातील 121 मतदारसंघात 65.08 टक्के मतदान बिहारमध्ये पहिल्या टप्प्यात पार पडलं आहे. 20 जिल्ह्यातील 122 जागांवर 68.76 टक्के मतदान दुसऱ्या टप्प्यात झालं आहे. बिहारमध्ये निवडणूक आयोगाच्या आकडेवारीनुसार एकूण 66.91 टक्के मतदान झालं आहे.

एनडीए आणि महागठबंधन यांच्यात बिहार विधानसभा निवडणुकांध्ये थेट लढत झाली. या निवडणुकीत एनडीए आघाडीला मोठं यश मिळत असल्याचं दिसून येत आहे. त्यामुळे, भाजप आणि नितीश कुमार यांच्या राजद पक्षाने विजयाचा जल्लोष सुरू केला आहे. तर, काँग्रेस आणि तेजस्वी यादव यांच्या राजदमध्ये पराभवाचा लवलेश दिसून येत आहे. काँग्रेस महागठबंधनमध्ये तेजस्वी यादव यांच्या आरजेडीने 143 जागा लढवल्या तर काँग्रेसने 60, सीपीआय माले-20, व्हिआयपी 11, सीपीआय 6 आणि सीपीएमने 4 जागांवर आपले उमेदवार उभे केले होते. मात्र, महागठबंधनला अपेक्षित यश मिळाले नाही. याउलट भाजप एनडीए आघाडीने मोठा विजय मिळवला आहे.