ISIS च्या दहशतवाद्याला रशियात अटक, भारतात आत्मघातकी हल्ल्याची होता कट

ISIS Terrorist Arrested In Russia : इस्लामिक स्टेट म्हणजेच ISIS च्या दहशतवाद्याला रशियात अटक करण्यात आली आहे. हा दहशतवादी भारतात मोठ्या दहशतवादी हल्ल्याची योजना आखत होता, असे सांगण्यात येत आहे. अटक करण्यात आलेल्या दहशतवाद्याला भारतातील एका मोठ्या व्यक्तिमत्त्वाला लक्ष्य करायचे होते. आत्मघातकी हल्ला करण्याचा प्रयत्न करणाऱ्या दहशतवाद्याला पकडण्यात आले आहे. सध्या जे काही समोर येत आहे त्यानुसार अटक करण्यात आलेला दहशतवादी तुर्कीमध्ये आयएसआयएमध्ये दाखल झाला होता. आता तपासानंतर मोठे खुलासे होऊ शकतात. (isis terrorist arrested in russia was planning a suicide attack in india)

आत्महत्या करायची होती

रशियन फेडरल सिक्युरिटी सर्व्हिस (FSB) ने सांगितले की, रशियन FSB ने रशियामध्ये बंदी घातलेल्या इस्लामिक स्टेट आंतरराष्ट्रीय दहशतवादी संघटनेच्या सदस्याची ओळख पटवून त्याला ताब्यात घेतले आहे. तो मध्य आशियाई प्रदेशातील एका देशाचा रहिवासी होता, ज्याने भारताच्या सत्ताधारी मंडळांच्या प्रतिनिधींपैकी एकावर स्वतःला उडवून दहशतवादी हल्ल्याची योजना आखली होती.' निवेदनात म्हटले आहे की, ताब्यात घेतलेल्या IS नेत्यापैकी एकाने तुर्कीमध्ये आत्मघाती बॉम्बर असल्याची कबुली दिली आहे.

सरकारची नजर

दहशतवादी संघटना इस्लामिक स्टेट आणि त्यांच्या सर्व सदस्यांना दहशतवादी संघटना म्हणून अधिसूचित केले गेले आहे आणि केंद्र सरकारने बेकायदेशीर क्रियाकलाप (प्रतिबंध) कायदा, 1967 च्या पहिल्या शेड्यूलमध्ये एॅड केले आहे. गृहमंत्रालयाच्या म्हणण्यानुसार, आयएस आपल्या विचारसरणीचा प्रचार करण्यासाठी विविध इंटरनेट-आधारित सोशल मीडिया प्लॅटफॉर्म वापरत आहे. या संदर्भात संबंधित यंत्रणांकडून सायबर स्पेसवर बारकाईने लक्ष ठेवले जात आहे.