जपान म्हटलं की अनेकांच्या मनात फुलांनी नटलेले गुलाबी रस्ते उभे राहतात. वसंत ऋतूमध्ये हे दृश्य पाहण्यासाठी जगभरातून लोक जपानला जातात. पण अशीच गुलाबी अनुभूती घेण्यासाठी मुंबईकरांना आता परदेशात जाण्याची गरज नाही. मुंबईतच काही दिवसांसाठी निसर्ग गुलाबी रंगांची उधळण करतो आणि तो अनुभव अगदी जवळून पाहता येतो.
जपानच्या चेरी ब्लॉसमसाठी परदेशात जाण्याची गरज नाही. मुंबईतच काही दिवसांसाठी गुलाबी रंगांची जादू अनुभवता येते.
ईस्टर्न एक्सप्रेस हायवेवरील विक्रोळी ते घाटकोपर दरम्यानचा रस्ता सध्या गुलाबी फुलांनी सजला आहे. शहराच्या गडबडीत हा भाग अगदी वेगळाच भासतो.
ही जपानी साकुरा नसून ‘पिंक टॅबेबिया’ नावाची झाडं आहेत. पण फुलांचा बहर पाहिला की क्षणभर जपानची आठवण होते.
फेब्रुवारी-मार्चमध्ये झाडांवर गुलाबी फुलांची गर्दी दिसते. रस्त्यावर साचलेली फुलं संपूर्ण परिसर सुंदर करून टाकतात.
ड्रोन शॉट्स, रील्स आणि फोटोमुळे हा परिसर सध्या प्रचंड चर्चेत आहे. अनेक मुंबईकर खास फोटो काढायला इथे येत आहेत.
विक्रोळी किंवा घाटकोपर स्टेशन
ऑटो/कारने ईस्टर्न एक्सप्रेस हायवे
कोणतंही तिकीट नाही – हा सार्वजनिक रस्ता आहे.
फुलं तोडू नका, झाडांना इजा करू नका आणि रस्ता अडवू नका. निसर्ग सुंदर ठेवणं आपली जबाबदारी आहे.
