काका-पुतण्याच्या लढाईत काका जयदत्त क्षीरसागर यांची सरशी

विकास माने, बीड | बीड तालुका दूध संघाच्या निवडणूकीत काका जयदत्त क्षीरसागर यांनी बाजी मारली आहे. जयदत्त क्षीरसागर गटाचे 13 उमेदवार बिनविरोध निवडून आले आहेत. त्यामुळे काका-पुतण्याच्या लढाईत काका जयदत्त क्षीरसागर यांची सरशी दिसून आलीय.

बीड तालुका दूध संघाची निवडणूक बिनविरोध पार पडली आहे. या निवडणुकी निमित्त काका विरुद्ध पुतण्या संघर्ष दिसून आला होता. माजी मंत्री जयदत्त क्षीरसागर गटाचे 13 उमेदवार बिनविरोध निवडून आले आहेत. तर पुतणे आमदार संदीप क्षीरसागर गटाला एकही उमेदवार मिळाला नसल्यानं त्यांना या निवडणुकीत खाते उघडता आले नाही. दरम्यान काका-पुतण्याच्या लढाईत काका जयदत्त क्षीरसागर यांची सरशी दिसून आलीय. विजयी उमेदवारांचे जयदत्त क्षीरसागर यांनी पुष्पगुच्छ आणि पेढे भरवत अभिनंदन केले आहे.