BJP | Congress Crisis
BJP | Congress CrisisTeam Lokshahi

Congress Crisis : काँग्रेसचे 7 आमदार भाजपच्या गोटात, विरोधी पक्षाचा दर्जा जाणार

काँग्रेसचे 7 आमदार बेपत्ता
Published by :
Shubham Tate

Goa Congress Crisis : गेल्या महिन्यात महाराष्ट्राचा राजकीय भूकंप संपूर्ण देशाने पाहिला, महाविकास आघाडीचे सरकार पाडून शिवसेनेचे बंडखोर आमदार भाजपमध्ये कसे सामील झाले आणि एकनाथ शिंदे यांच्या नेतृत्वाखाली आपले सरकार स्थापन केले. तेच वातावरण गोव्यात पुन्हा एकदा पाहायला मिळत आहे. गोवा काँग्रेसचे 7 आमदार बेपत्ता असल्याचे सांगण्यात येत आहे. विधानसभेचे अधिवेशन सुरू होण्याच्या एक दिवस आधी बोलावलेल्या पक्षाच्या बैठकीला काँग्रेसचे आमदार अनुपस्थित होते. तेव्हापासून हे आमदार भाजपच्या संपर्कात असल्याची चर्चा राजकीय वर्तुळात रंगली आहे. गोव्यात 8 फेब्रुवारीला विधानसभा निवडणुका झाल्या आणि त्याचे निकाल 10 मार्चला जाहीर झाले. (7 congress mlas reached the meeting with bjp know what is going on in goa)

BJP | Congress Crisis
Shocking Video : बाहेर प्रेस करायला कपडे देताय, मग तुमच्यासोबत असं कुठेतरी घडतंय का..?

काँग्रेसचे आमदार अलेक्सो सिक्वेरा यांनी एएनआय या वृत्तसंस्थेला सांगितले की, काँग्रेसचे ७ आमदार गोव्यातील मार्गो हॉटेलमध्ये आहेत. मला हायकमांडने बोलावले नव्हते. मी औपचारिकपणे तिथे गेलो. आता भाजपमध्ये येण्याच्या अफवा संपल्या आहेत, मी माझी जबाबदारी घेऊ शकतो पण बाकीच्यांबद्दल काही बोलू शकत नाही.

गोवा काँग्रेसकडून विरोधी पक्षाचा दर्जा हिरावून घेऊ शकतो

गोवा काँग्रेसच्या 7 आमदारांनी पक्ष सोडल्यास विरोधी पक्षनेतेपदही त्यांच्या हातातून जाणार आहे. गोव्याच्या ४० जागांच्या विधानसभेत सध्या सत्ताधारी एनडीएचे २५ आमदार आहेत, तर काँग्रेसचे ११ आमदार आहेत. काँग्रेसच्या 7 आमदारांनी पक्ष सोडल्याची चर्चा खरी ठरली तर विरोधी पक्षनेतेपदही त्यांच्या हातातून जाणार आहे.

BJP | Congress Crisis
Free Silai Machine Scheme : मोदी सरकार देतय मोफत शिलाई मशीन, आजच करा अर्ज

दिगंबर कामतही बैठकीला उपस्थित राहिले नाहीत

काँग्रेसकडून 2022 च्या गोवा विधानसभा निवडणुकीत काँग्रेसचे मुख्यमंत्रीपदाचे उमेदवार दिगंबर कामत यांनीही शनिवारी काँग्रेस आमदारांच्या बैठकीला हजेरी लावली नाही. आपल्याला विरोधी पक्षनेते का करण्यात आले नाही याबद्दल ते नाराज असल्याचे सांगण्यात येत आहे. काँग्रेसने मायकल लोबो यांना गोव्यात विरोधी पक्षनेते बनवले आहे. मात्र, काँग्रेसने हा दावा फेटाळून लावला आहे.

दुसरीकडे, गोव्यातील काँग्रेसचे नेते आणि विरोधी पक्षनेते मायकल लोबो यांनी काँग्रेसचे काही नेते भाजपमध्ये प्रवेश करत असल्याच्या अफवांवर म्हणाले की, या सर्व अफवा आहेत. तसं काही नाही. विधानसभेचे अधिवेशन सुरू आहे आणि कोणी ना कोणी अफवा पसरवणार आहे. मला सांगितले गेले नाही, जर मला सांगितले तर मी तुम्हाला आधी सांगेन. एआयसीसी गोवा प्रभारी दिनेश गुंडू राव म्हणाले – काल आमची गोव्यात सीएलपीची बैठक झाली. काँग्रेसचे सर्व आमदार शाबूत आहेत पण भाजप आमच्या आमदारांना बळकावण्याचा आणि धमकावण्याचा प्रयत्न करत आहे. मात्र सर्व आमदार शाबूत आहेत.

logo
Lokshahi Marathi
www.lokshahi.com