भाजपने लक्षात ठेवावं, आज भरती आहे तर उद्या ओहोटी येणारच; राज ठाकरेंचा इशारा
मुंबई : भाजपने एक लक्षात ठेवावे भरतीनंतर ओहोटी येणारच. ओहोटी येणार हे नैसर्गिक आहे. ते कोणी थांबवू नाही शकत, असा इशारा मनसे प्रमुख राज ठाकरे यांनी भाजपला दिला आहे. मनसेचा आज 17 वा वर्धापन दिन आहे. यावेळी ते बोलत होते. आपण सत्तेपासून दूर नाही. हे मळभ दुर होईल. जेव्हा कधी निवडणुका होऊ दे आपण सत्तेत असणार म्हणजे असणारच, असा विश्वासही त्यांनी व्यक्त केला.
2014 व 2019 ला पंतप्रधान मोदींची लाट आली. याबद्दल मला काय विचारतात कॉंग्रेसची अवस्था काय झाली. भरतीनंतर ओहोटी या गोष्टी येतात. भाजपनेही या गोष्टी लक्षात ठेवल्या पाहिजे. ओहोटी येणार हे नैसर्गिक आहे. ते कोणी थांबवू नाही शकत, असा इशारा राज ठाकरे यांनी भाजपला दिला आहे. राजू पाटील पक्षाची बाजू आज एकटा मांडत आहे. ते शोले मध्ये बोलतात ना एकही है लेकीन काफी है, असेदेखील त्यांनी म्हंटले आहे.
गेल्या 17 वर्षांचे सिंहावलोकन होणे गरजेचे आहे. पक्ष कशातून गेला. काही जण बोलताता लोक पक्ष सोडून गेले. पण, एक-एकटे गेले. मग आपल्याला प्रश्न विचारतात लोक राजसाहेबांच्या सभेला गर्दी होते. पण मतं का नाही पडत. मग 17 आमदार निवडून आले ते काही सोरटं वर निवडून आले होते. हा एक प्रोपोगंडा आहे. जाणून-बूजून अशाप्रकारचा प्रचार जो केला जातो. एवढी गर्दी जमते मते कुठे जातात आणि आंदोलन अर्धवट सोडतात. एक आंदोलन दाखवा अर्धवट सोडलेले, असे आव्हानही त्यांनी दिले आहे.
भोंग्याविरोधात आंदोलन, पाकिस्तानी कलाकार हुसकावले आपण केले. तेव्हा सो कॉल्ड हिंदुत्ववादी पक्ष माननारे कुठे होते? काय करत होते चिंतन? पण ते जे काही सांगतात की आम्ही हिंदुत्वासाठी केले. हिंदुत्व म्हणजे काय असते. तुमचे फक्त जपमाळ. कधी हिंदुत्व दिसत नाही. भोग्यांच्या प्रकरणानंतर अयोध्या दौऱ्याला विरोध कोणी केला हिंदुत्ववादीच. मला आतलं राजकारण कळलेल होते. म्हणून सांगितले आता नको. जे त्यांचे पुढे काय झाले ते माहितीच आहे, असेही राज ठाकरेंनी म्हंटले आहे.
सध्या राज्यात जे काही सुरु आहेत. ते महाराष्ट्राला खड्ड्यात नेणारे आहे. इतके गलिच्छ राजकारण सुरु आहे. एवढ्या खालच्या थरांची भाषा कधी पाहिली नाही. टीव्हीवर ही लोक पाहवत नाही. किती खालच्या थराला जाऊन बोलायचे याची काही मर्यादाच उरलेली नाही. हे दाखवणे जेव्हा बंद होईल तेव्हा महाराष्ट्र सुधारलेला दिसेल, अशी टीका त्यांनी राजकीय घडमोडींवर केली आहे.
