मनसे-भाजप युती होणार? संदीप देशपांडे म्हणाले…

मनसेच्या गुढीपाडवा (MNS Gudhi Padwa Melawa) मेळाव्यानंतर राजकीय महाराष्ट्राचं राजकारण (Maharashtra Politics) अक्षरश: ढवळून निघालं आहे. राजकीय वर्तुळात चर्चांना उधाण आलं आहे. ह्या सगळ्याचं कारण म्हणजे, राज ठाकरे (MNS Chief Raj Thackeray) ह्यांनी मेळाव्यातील भाषणादरम्यान महाविकास आघाडीचा (MVA Goverment) खरमरीत शब्दांत घेतलेला समाचार व भाजपवर (BJP) टीका करण्यासाठी अवाक्षर न काढणं. त्यानंतर दुसऱ्याच दिवशी भाजपचे वरीष्ठ नेते व केंद्रीय मंत्री नितीन गडकरी (BJP Leader Nitin Gadkari) हे राज ठाकरेंच्या भेटीसाठी गेले. त्यामुळे आता आगामी निवडणूकांमध्ये भाजप- मनसेची युती (MNS-BJP Alliance) पाहायला मिळणार का असा प्रश्न अनेकांच्या मनात उपस्थित होतोय.

युतीच्या शक्यतेवर संदीप देशपांडेंची प्रतिक्रीया:
"कालची भेट वैयक्तिक भेट होती. आतातरी भाजप-मनसे युतीची चर्चा नाही. परंतु शिवसेनेनं भाजप बरोबर युती केली. त्यानंतर राष्ट्रवादीच्या विरोधात निवडणुक लढली आणि नंतरच्या काळात राष्ट्रवादीसोबत घरोबा केला. राष्ट्रवादीनं 2 दिवसाचं भाजपसोबत सरकारं स्थापन केलं. एवढा व्याभिचार केला आणि आमच्या केवळ अफवा उठल्या तरी यांना झोंबतात." असं मनसे नेते संदीप देशपांडे (MNS Leader Sandeep Deshpande) म्हणाले.