Mary DiCosta Reveals : 'ते' चॅटस् व्हायरल केल्यानंतर मेरी डि’कोस्टाने सांगितलं खरं कारण..
पलाश मुच्छल आणि क्रिकेटपटू स्मृती मानधना यांच्या लग्नाआधी समोर आलेल्या काही वैयक्तिक चॅट्समुळे सोशल मीडियावर मोठी चर्चा रंगली आहे. पलाशचे मेरी डिकॉस्टा ’कोस्टासोबतचे फ्लर्टी मेसेजेस व्हायरल झाल्यानंतर त्याने स्मृतीची फसवणूक केली का, असा प्रश्न अनेकांनी उपस्थित केला. आता मेरीने स्वतः या प्रकरणावर भाष्य करत चॅट्स बाहेर आणण्यामागचं कारण स्पष्ट केलं आहे.
23 नोव्हेंबर 2025 रोजी होणार असलेलं स्मृती आणि पलाशचं लग्न तिच्या वडिलांच्या प्रकृती बिघडल्याने पुढे ढकलण्यात आलं. त्यांची तब्येत आता सुधारली असली तरी विवाहाची नवीन तारीख जाहीर झालेली नाही. दरम्यान, व्हायरल झालेल्या चॅट्समुळे या नात्यावर संशयाचे ढग दाटले.
मेरी डिकॉस्टा ’कोस्टाने केलेल्या नव्या पोस्टमध्ये ती म्हणते की, ती कोरिओग्राफर नाही आणि पलाशला तिने कधी प्रत्यक्ष भेटलेलं नाही. मे–जुलै 2025 दरम्यान केवळ चॅटवर थोडक्यात संवाद झाला होता. तिनेच चॅट्सचे स्क्रीनशॉट शेअर केले कारण ती स्मृती मानधनाचा आदर करते आणि सत्य बाहेर यावं असं तिला वाटलं. तिचं म्हणणं आहे की तिने कोणत्याही प्रकारचे संबंध ठेवले नव्हते आणि तीच पलाशकडे दुर्लक्ष करत होती.
मेरी डिकॉस्टाला इन्टाग्रामवर खाजगी करावे लागले..
प्रकरण वाढल्यानंतर विरोधी प्रतिक्रियांमुळे तिला तिचं सोशल मीडिया अकाउंट खाजगी करावं लागलं. “चॅटमध्ये मला दोषी मानण्यासारखं काहीही नाही, त्यामुळे कृपया मला लक्ष्य करू नका,” अशी विनंतीही तिने केली.
मेरीच्या म्हणण्यानुसार, पलाशने तिच्यासोबत केलेले वर्तन स्मृतीची दिशाभूल करणारे होते, आणि हे लोकांसमोर यावं म्हणूनच तिने स्क्रीनशॉट्स शेअर केले. या वादानंतर आता सर्वांचे लक्ष पलाश आणि स्मृती यांच्या अधिकृत प्रतिक्रियेवर आहे.
