MPSC Exam 2025 : एमपीएससी परीक्षा आणि मतमोजणी एकाच दिवशी ?

काल (2 डिसेंबर) राज्यातील 264 नगरपरिषदा आणि नगरपंचायतींच्या निवडणुकांसाठी मतदान पार पडलंय. नगरपरिषदा व नगरपंचायतींच्या 264 अध्यक्षपदांच्या आणि 6 हजार 42 सदस्यपदांच्या जागांसाठी राज्यातील मतदारांचा कौल मतपेटीत कैद झाला आहे. दरम्यान, मतमोजणी 21 डिसेंबरला मुंबई हायकोर्टाच्या नागपूर आणि औरंगाबाद खंडपीठानं करण्याचे आदेश दिले आहेत. आज (3 डिसेंबर) होणारी मतमोजणी यामुळं लांबणीवर पडली आहे. तर या निवडणुकांचा आता 21 डिसेंबरलाच मतमोजणीअंती निकाल कळू शकणार आहे. तर एमपीएससी परीक्षेवर (MPSC Exam 2025) दुसरीकडे नगरपरिषद आणि नगरपंचायतीची मतमोजणी लांबल्याने त्याचा थेट परिणाम होणार असल्याची माहिती पुढे आली आहे.

एमपीएससी परीक्षा आणि मतमोजणी एकाच दिवशी

नगरपरिषद नगरपंचायतीची मतमोजणी लांबल्याने एमपीएससी परीक्षा आणि मतमोजणी एकाच दिवशी आली आहे. परिणामी राज्यभरात 21 डिसेंबरला नगरपरिषद नगरपंचायतीची मतमोजणी होणार आहे. तर दुसरीकडे एमपीएससीचीही परीक्षा त्याच दिवशी असणार आहे. जिल्हा पातळीवर परीक्षेचे संपूर्ण जबाबदारी जिल्हाधिकारी आणि महसूल विभागाकडे असेल. मात्र मतमोजणीच्या दिवशी जिल्हाधिकाऱ्यांसह महसूल विभागातील कर्मचारी सुद्धा मतमोजणीच्या कामात व्यस्त असणार आहेत. त्यामुळे मोठा अतिरिक्त ताण एकाच वेळी प्रशासनावर पडणार आहे. त्यामुळे एमपीएससी संयुक्त पूर्व परीक्षा गट ब बाबत 21 डिसेंबरला होणाऱ्या एमपीएससी नेमका काय निर्णय घेणार आहे? हे पाहणे आता महत्वाचे ठरणार आहे.

जिल्हाधिकाऱ्यांसह महसूल विभागातील कर्मचाऱ्यांवर अतिरिक्त भार, विद्यार्थीही संभ्रमात

दरम्यान, सुरुवातीला ही परीक्षा 9 नोव्हेंबरला होणार होती. मात्र त्यावेळी महाराष्ट्रातील काही भागात परिस्थिती निर्माण झाल्याने ही परीक्षा पुढे ढकलत 21 डिसेंबरला घेण्यात येणार आहे. मात्र आता नगरपरिषद आणि नगरपंचायतीची मतमोजणी लांबल्याने आणि हि मतमोजणी एमपीएससी परीक्षेच्या दिवशीच होणार असल्याने त्याचा अतिरिक्त ताण जिल्हा प्रशासनावर असणार आहे.

निकालाची तारीख पुढे गेल्यामुळे काय परिणाम होणार?

-केंद्र 21 नोव्हेंबर पर्यंत प्रशासनाला ईव्हीएम सुरक्षित ठेवण्यासाठी चे स्ट्रॉंग रूम आणि मतमोजणी राखीव ठेवावे लागतील..

-ही निवडणूक जवळपास 280 ठिकाणांवर होत असल्याने आणि प्रत्येकाची मतमोजणी स्वतंत्र ठिकाणी वेगवेगळ्या शहरात असल्याने जवळपास 280 पेक्षा जास्त मतमोजणी केंद्र आणि स्ट्रॉंग रूम 21 नोव्हेंबर पर्यंत राखीव ठेवावे लागेल..

-शिवाय सर्व स्ट्रॉंग रूम मध्ये तेवढे दिवस ईव्हीएम सुरक्षित ठेवण्यासाठी चा पोलीस बंदोबस्त ठेवावा लागेल..

-निवडणूक निर्णय स्ट्रॉंग रूम मध्ये ईव्हीएम असताना अधिकारी तसेच निवडणूक प्रक्रियेतील कर्मचाऱ्यांना रोज स्ट्रॉंग रूम मध्ये जाऊन पाहणी करणे आणि स्वाक्षरी करणे बंधनकारक असते.. 21 नोव्हेंबर पर्यंत ती प्रक्रिया रोज पार पाडावी लागेल.

-288 ठिकाणी विधानसभेला साधारणपणे मतमोजणी असते, जवळपास तेवढेच मतमोजणी ठिकाण नगर परिषद निवडणुकीत आहेत.. मात्र, लक्षात ठेवण्यासारखी बाब म्हणजे विधानसभेची मतमोजणी वोटिंग नंतर लगेच एक किंवा दोन दिवसात होते..

-म्हणजे आज मतमोजणी समोर ढकलली गेली, प्रशासन आणि पोलिसांची तर विधानसभा निवडणूक सुमारे तीन आठवडे सांभाळावी एवढी यंत्रणा कामी लागेल.