Mumbai Nashik : मुंबई–नाशिक लोकल मार्गाला गती; रेल्वे बोर्डाची दोन नव्या लाइन्सना मंजुरी
(Mumbai Nashik) मुंबई ते नाशिक लोकल सेवा सुरू करण्याचा मार्ग आता मोकळा होत आहे. सध्या मध्य रेल्वेची लोकल कसाऱ्यापर्यंतच चालते. मात्र रेल्वे बोर्डाने मनमाड–कसारा या 131 किमी नव्या दुहेरी रेल्वे मार्गाला मंजुरी दिली असून, यामुळे भविष्यात लोकल सेवा नाशिकपर्यंत वाढवणे शक्य होणार आहे.
या मार्गात सह्याद्री पर्वतरांग असल्याने सुमारे 18 बोगदे बांधावे लागतील. सध्या घाट विभागात लांब पल्ल्याच्या गाड्यांना बँकर इंजिन्सचा आधार घ्यावा लागतो. नवा मार्ग तयार झाल्यावर या घाटातील तांत्रिक अडचणी दूर होतील आणि रेल्वे वाहतुकीला वेग येईल.
प्रकल्पासाठी जमीन अधिग्रहणाची प्रक्रिया सुरू झाली आहे. नोटिफिकेशन जारी करण्यात आले असून संबंधित अधिकाऱ्यांची नियुक्तीही पूर्ण झाली आहे. मध्य रेल्वेने या प्रकल्पाला मिशन मोडमध्ये गती दिली आहे.
नव्या लाइन्स तयार झाल्यावर सध्याच्या मार्गावरील ताण कमी होईल. मालवाहतुकीसाठी स्वतंत्र मार्गिका उपलब्ध झाल्याने प्रवासी लोकल वाहतुकीला वेग मिळणार आहे. यामुळे मुंबई–कसारा–नाशिक लोकल मार्गाचा विस्तार प्रत्यक्षात शक्य होईल.
मुंबई–नाशिक–मनमाड मार्गावर लोकल सेवा सुरू झाल्यानंतर प्रवासाचा वेळ कमी होईल, इंधनाची बचत होईल आणि विलंबाची समस्या कमी होईल. या प्रकल्पामुळे उत्तर महाराष्ट्र आणि मुंबई दरम्यानची कनेक्टिव्हिटी मजबूत होणार असून औद्योगिक विकासालाही मदत होणार आहे. अधिकृत माहितीप्रमाणे, पुढील वर्षापासून या कामाला अधिक गती मिळण्याची शक्यता आहे.
थोडक्यात
(Mumbai Nashik) मुंबई ते नाशिक लोकल सेवा सुरू करण्याचा मार्ग आता मोकळा होत आहे.
सध्या मध्य रेल्वेची लोकल कसाऱ्यापर्यंतच चालते. मात्र रेल्वे बोर्डाने मनमाड–कसारा या 131 किमी नव्या दुहेरी रेल्वे मार्गाला मंजुरी दिली असून
यामुळे भविष्यात लोकल सेवा नाशिकपर्यंत वाढवणे शक्य होणार आहे.
