Delhi Blast : दिल्ली स्फोटाला नवं वळण; स्फोटाचं पुलवामा कनेक्शन समोर, हुंडाई आय-20 कारची अनेकदा खरेदी विक्री

थोडक्यात

• दिल्लीतील स्फोटाचं पुलवामा कनेक्शन समोर

• स्फोट झालेल्या हुंडाई आय-20 कारची अनेकदा खरेदी विक्री

• काश्मीरमधील तारिकला विकली होती ती कार.

(Delhi Blast) दिल्लीमधील लाल किल्ला परिसरात एका कारमध्ये मोठा स्फोट झाला हा स्फोट एवढा मोठा होता की, आजूबाजूच्या दुकानांच्या काचाही फुटल्या. या स्फोटात सुमारे 8 जणांचा मृत्यू झाला असून, 20 हून अधिक लोक जखमी झाले आहेत. जखमींना रुग्णालयात उपचारासाठी दाखल केलं आहे.

लाल किल्ला परिसरात मेट्रोच्या गेट क्रमांक एकवर एक कार उभी होती. याच कारमध्ये हा स्फोट झालेला आहे. या स्फोटामुळे आजूबाजूच्या तीन गाड्यांना आग लागल्याची घटना घडली. हा स्फोट नेमका कसा झाला? याचा तपास आता घेतला जात आहे. यातच आता एक नवीन माहिती समोर येत आहे.

आता या दिल्लीतील स्फोटाचं पुलवामा कनेक्शन समोर आल्याची माहिती मिळत आहे. ही कार पुलवामा येथील तारिक याला विकण्यात आली होती. तसेच या कारची अनेकदा खरेदी विक्री झाल्याची माहिती आहे. या स्फोटांमुळे देश हादरून गेला असून परिसरात भितीचे वातावरण आहे. सगळीकडे मोठ्या प्रमाणावर पोलीस बंदोबस्त तैनात करण्यात आला आहे.