Pune-Mumbai Railway : पुणे–मुंबई रेल्वे मार्ग आज जवळपास ठप्प! अनेक एक्सप्रेस आणि लोकल रद्द
पुणे ते मुंबई प्रवास करणाऱ्या हजारो प्रवाशांसाठी आजची सकाळ मोठ्या धक्क्याची ठरणार आहे. पुणे–मुंबई रेल्वे मार्गावर आज तब्बल १६ तासांचा मेगाब्लॉक घेण्यात येत असून, या दरम्यान अनेक महत्त्वाच्या गाड्या पूर्णपणे रद्द करण्यात आल्या आहेत. लोणावळा परिसरातील रेल्वे दुरुस्ती आणि तांत्रिक कामांसाठी हा मोठा मेगाब्लॉक जाहीर करण्यात आला आहे.
या कामामुळे सिंहगड एक्सप्रेस, डेक्कन क्वीन, प्रगती एक्सप्रेस आणि इंद्रायणी एक्सप्रेस या लोकप्रिय गाड्यांच्या उद्याच्या धावणाऱ्या फेऱ्या रद्द करण्यात आल्या आहेत. याशिवाय पुणे–लोणावळा लोकलच्या काही फेऱ्यांनाही आज बंद ठेवण्यात आले आहे.
मेगाब्लॉकमुळे पुणे, पिंपरी-चिंचवड, लोणावळा, मुंबई या संपूर्ण मार्गावरील प्रवाशांचे हाल होणार असून, पर्यायी व्यवस्था करण्याची धडपड सुरू आहे. रेल्वे प्रशासनाने प्रवाशांना प्रवासाचा नीट विचार करून योजना आखण्याचे आवाहन केले आहे.
आज दिवसभर चालणारा हा १६ तासांचा मोठा मेगाब्लॉक असल्याने रस्ते वाहतुकीवरही दबाव वाढण्याची शक्यता आहे. प्रवाशांनी आवश्यक असल्यास बस किंवा खाजगी वाहनांचा वापर करण्याचा सल्लाही देण्यात आला आहे.
